సూరత్ (గుజరాత్): గుజరాత్లోని సూరత్(Surat) నగరంలో మానవత్వం సిగ్గుపడే ఘటన ఒకటి వెలుగులోకి వచ్చింది. మధ్యప్రదేశ్కు చెందిన ఒక యువకుడిని దారుణంగా కొట్టి, కత్తితో బెదిరించి, బలవంతంగా కాళ్లు నాకించారు. ఈ పైశాచిక చర్యను నిందితుడే స్వయంగా తన ఫోన్లో వీడియో తీసి సోషల్ మీడియాలో పోస్ట్ చేయడం గమనార్హం. ప్రస్తుతం ఈ వీడియోలు వైరల్ కావడంతో ఘటనపై తీవ్ర ఆగ్రహం వ్యక్తమవుతోంది.
Read Also: Mental Health: నైట్ షిఫ్ట్ ఒత్తిడితో 10 మందిని చంపేసిన నర్సు!
హోటల్ ఉద్యోగిపై దాడి, బెదిరింపులు
మధ్యప్రదేశ్కు(Madhya Pradesh) చెందిన సుధీర్ పాండే(Sudhir Pandey) అనే యువకుడు ఉపాధి కోసం సూరత్కు వచ్చి అమ్రోలి ప్రాంతంలోని ఓ హోటల్లో పనిచేస్తున్నాడు. అక్కడే ఈ దాడి జరిగింది. దాడికి పాల్పడిన వ్యక్తిని బాధితుడు “భోలా భాయ్” అని పిలుస్తున్నట్లు వీడియోలో వినిపిస్తోంది. నిందితుడు కత్తి చూపించి సుధీర్ను బెదిరిస్తూ తీవ్రంగా కొట్టాడు. “భోలా భాయ్, నన్ను క్షమించు. నేను ఇకపై ఎప్పుడూ సూరత్కు తిరిగి రాను” అని బాధితుడు వేడుకుంటున్న దృశ్యాలు వీడియోలో స్పష్టంగా కనిపిస్తున్నాయి.
అవమానకర చర్య, నిందితుడి వైరల్ వీడియో
నిందితుడు సుధీర్ జుట్టు పట్టుకుని లాగుతూ, క్షమాపణ చెప్పాలని ఒత్తిడి చేశాడు. అంతటితో ఆగకుండా, అవమానపరిచే రీతిలో తన కాళ్లను నాకమని బలవంతం చేశాడు. ఈ ఘటనకు సంబంధించిన రెండు వేర్వేరు వీడియోలను నిందితుడే చిత్రీకరించి, సామాజిక మాధ్యమాల్లో పంచుకున్నాడు. ఈ దాడితో తీవ్ర భయాందోళనకు గురైన సుధీర్ పాండే, నగరాన్ని విడిచి పారిపోయినట్లు సమాచారం. ఈ వీడియోలు పోలీసుల దృష్టికి వెళ్లడంతో వారు విచారణ ప్రారంభించారు. వైరల్ అవుతున్న వీడియోల ఆధారంగా సాక్ష్యాలు సేకరించి, దర్యాప్తు కొనసాగిస్తామని అధికారులు తెలిపారు.
Read hindi news: hindi.vaartha.com
Epaper : epaper.vaartha.com/
Read Also: