షాద్ నగర్ (రంగారెడ్డి జిల్లా): దళిత యువకుడు రాజశేఖర్ కిడ్నాప్, హత్య ఉదంతంలో రంగారెడ్డి జిల్లా షాద్ నగర్ (Shad Nagar) పోలీసులు పురోగతి సాధించారు. రాజశేఖర్ను హతమార్చి, శవాన్ని దహనం చేసిన ఘటనలో పోలీసులు ఎనిమిది మందిని నిందితులుగా గుర్తించారు. ఇందులో ఏడుగురిని అరెస్టు చేసి, రిమాండ్కు తరలించినట్లు షాద్ నగర్ ఏసీపీ ఎస్. లక్ష్మీనారాయణ, టౌన్ సీఐ విజయ్ కుమార్ తెలిపారు.
Read Also: Modi: నేడు సిఎం, రేపు ప్రధాని సత్యసాయి జయంతి వేడుకలకు రాక
హత్యకు కారణం, పథకం
ఈ హత్యకు ప్రధాన కారణం కుటుంబ పరువు, పగ. హత్యకు గురైన రాజశేఖర్ (Rajasekhar) సోదరుడు చంద్రశేఖర్, ప్రధాన నిందితుడు కాగుల వెంకటేష్ కూతురు భవాని ఇరువురి మధ్య ప్రేమ వ్యవహారంలో గతంలో మొయినాబాద్ (Moinabad) పోలీస్ స్టేషన్లో కేసు నమోదైంది. రాజశేఖర్ తన సోదరుడు చంద్రశేఖర్కు మద్దతు ఇస్తుండటంతో, తక్కువ కులం వాడికి మద్దతిస్తున్న రాజశేఖర్ను ఎలాగైనా చంపాలని వెంకటేష్ నిర్ణయించుకున్నాడు.
హత్య జరిగిన తీరు, నిందితులు
వెంకటేష్, మరో ముగ్గురు కలిసి ఈ నెల 12వ తేదీన రాత్రి 11 గంటల సమయంలో రాజశేఖర్ను ఇంటి నుంచి బయటకు పిలిచి కిడ్నాప్ చేశారు. ఇన్నోవా కార్లో (Innova car) ఎక్కించుకుని అన్నారం జంక్షన్ వైపు వెళ్లారు. ఇన్నోవా కారులోనే రాజశేఖర్ గొంతును తీసుకువచ్చిన నైలాన్ తాడుతో రెండు వైపులా బిగించి చంపారు. హత్య తర్వాత, రామేశ్వరం వైపు వెళ్లి, నవాబుపేట సరిహద్దుల్లోని ఒక నిర్మానుష్య ప్రదేశంలో రాజశేఖర్ మృతదేహంపై ఆరు లీటర్ల పెట్రోలు పోసి అగ్గిపెట్టెతో నిప్పంటించినట్లు పోలీసులు ప్రాథమిక దర్యాప్తులో గుర్తించారు.
- నిందితులు: ఈ కేసులో కాగుల వెంకటేష్తో పాటు పత్తి శీను, వడ్డే నర్సింలు, గణేష్ (పరారీలో), సోమ సురేష్, బిజ్జు రాఘవేందర్, ఆవుల శ్రీకాంత్, కానుగుల రాములు ఉన్నారు. గణేష్ పరారీలో ఉండగా మిగతా ఏడుగురిని అరెస్టు చేశారు.
- స్వాధీనం చేసుకున్నవి: రెండు బైకులు, రెండు కార్లు, ₹6,500 నగదు, ఒక సెల్ ఫోన్, ఒక ప్రెస్ ఐడీ కార్డు.
Read hindi news: hindi.vaartha.com
Epaper : epaper.vaartha.com/
Read Also:
