సంగారెడ్డి జిల్లా(Sangareddy Crime) రాయికోడ్ మండలం పిప్పడ్పల్లి గ్రామంలో చోటుచేసుకున్న ఈ ఘటన స్థానికంగా కాకుండా జిల్లా వ్యాప్తంగా కలకలం రేపింది. కాంగ్రెస్ పార్టీ తరఫున సర్పంచ్ పదవికి పోటీ చేసిన సీహెచ్ రాజు (36) తనకు అత్యంత సన్నిహితులే నమ్మక ద్రోహం చేశారన్న భావనతో తీవ్ర మానసిక వేదనకు గురై ఆత్మహత్య చేసుకున్నాడు.
గ్రామంలో నిన్న నిర్వహించిన రెండో విడత పంచాయతీ ఎన్నికల్లో(Panchayat elections) రాజు తన సమీప ప్రత్యర్థిపై కేవలం 9 ఓట్ల స్వల్ప ఆధిక్యంతో విజయం సాధించినట్టు అధికారిక ఫలితాలు వెల్లడయ్యాయి. అయితే ఎన్నికల(Sangareddy Crime) ప్రచారం సమయంలో చోటుచేసుకున్న అంతర్గత విభేదాలు, మద్దతుదారుల మధ్య తలెత్తిన అనుమానాలే ఈ దారుణానికి దారితీసినట్టు స్థానికులు చెబుతున్నారు.
రాజు గ్రామాభివృద్ధి, ప్రజాసేవ లక్ష్యంగా రాజకీయాల్లోకి వచ్చాడని, గత కొన్నేళ్లుగా గ్రామ సమస్యలపై చురుకుగా స్పందిస్తూ మంచి గుర్తింపు తెచ్చుకున్నాడని సన్నిహితులు తెలిపారు. అయితే ఎన్నికల సమయంలో కొందరు తనకు అండగా నిలుస్తామని చెప్పి చివరి క్షణంలో వెనక్కి తగ్గారని, దాంతో తీవ్ర నిరాశకు గురయ్యాడని కుటుంబ సభ్యులు వాపోతున్నారు.
ఈ ఘటనతో గ్రామంలో ఉద్రిక్తత నెలకొంది. యువ నాయకుడి మృతి వార్త తెలియగానే పెద్ద సంఖ్యలో గ్రామస్తులు అతని నివాసానికి చేరుకుని కన్నీరుమున్నీరయ్యారు. ఎన్నికల్లో గెలిచినప్పటికీ ప్రాణాలు కోల్పోవడం గ్రామ ప్రజలను తీవ్రంగా కలచివేసింది.
సమాచారం అందుకున్న పోలీసులు ఘటన స్థలానికి చేరుకుని కేసు నమోదు చేసి దర్యాప్తు ప్రారంభించారు. ఆత్మహత్యకు దారితీసిన కారణాలపై కుటుంబ సభ్యులు, మద్దతుదారులను విచారిస్తున్నారు. ఎన్నికల సమయంలో ఎదురైన ఒత్తిళ్లు, రాజకీయ విభేదాలు ఎంతటి ప్రమాదకర పరిణామాలకు దారితీయగలవో ఈ ఘటన స్పష్టంగా చూపిస్తోందని అధికారులు వ్యాఖ్యానించారు.ఈ విషాద ఘటనతో పిప్పడ్పల్లి గ్రామంలో సంబరాల స్థానంలో విషాద ఛాయలు అలుముకున్నాయి.
Read hindi news: hindi.vaartha.com
Epaper : epaper.vaartha.com
Read also: