బాలీవుడ్ చిత్ర పరిశ్రమలో మరోసారి విషాదం చోటుచేసుకుంది. ప్రముఖ వెబ్ సిరీస్ ‘జమ్తారా 2’ ద్వారా గుర్తింపు పొందిన యువ నటుడు సచిన్ చాంద్వడే (25) (Sachin Chandwad) ఆత్మహత్య చేసుకోవడం సినీ వర్గాల్లో తీవ్ర దిగ్భ్రాంతిని కలిగించింది. ఈ ఘటన అక్టోబర్ 23న జరిగినప్పటికీ, ఆలస్యంగా వెలుగులోకి వచ్చింది. చిన్న వయసులోనే ప్రతిభను చూపించిన ఈ యువ నటుడు ఇలా జీవితాన్ని ముగించుకోవడం అభిమానులను, సినీ వర్గాలను కలచివేసింది.
Read Also: Gollapalli Amulya: భర్తపై రాజోలు టీడీపీ ఇంఛార్జ్ గొల్లపల్లి అమూల్య ఫిర్యాదు
వివరాల్లోకి వెళ్తే — సచిన్ చాంద్వడే (Sachin Chandwad) మహారాష్ట్రలోని ఉందిర్ఖేడ్ ప్రాంతంలో తన కుటుంబ సభ్యులతో నివసిస్తున్నాడు. అక్టోబర్ 23న ఉదయం సచిన్ తన ఇంట్లోనే ఆత్మహత్యకు ప్రయత్నించారు.. ఆ సమయంలో ఇంట్లో ఉన్న కుటుంబ సభ్యులు గమనించి వెంటనే అతడిని సమీపంలోని ప్రైవేట్ ఆసుపత్రికి తరలించారు.
ఆయన ఇంతటి తీవ్ర నిర్ణయం ఎందుకు తీసుకున్నారనే విషయంపై స్పష్టత లేదు
అక్కడ చికిత్స పొందుతున్నప్పటికీ, పరిస్థితి విషమించడంతో మరుసటి రోజు ఆయన తుదిశ్వాస విడిచారు.సాఫ్ట్వేర్ ఇంజినీర్ అయిన సచిన్, నటనపై ఆసక్తితో చిత్ర పరిశ్రమలో అడుగుపెట్టారు. ‘జమ్తారా 2’ వెబ్సిరీస్లో నటించి మంచి గుర్తింపు తెచ్చుకున్నారు.
కెరీర్లో ఎదుగుతున్న సమయంలో ఆయన ఇంతటి తీవ్ర నిర్ణయం ఎందుకు తీసుకున్నారనే విషయంపై స్పష్టత లేదు. ఆత్మహత్యకు గల కారణాలు తెలియాల్సి ఉంది. సచిన్ మృతితో ఆయన కుటుంబంలో, బాలీవుడ్లో విషాద ఛాయలు అలుముకున్నాయి.
Read hindi news: https://hindi.vaartha.com
Epaper : https://epaper.vaartha.com/
Read Also: