ఎర్రకోట(Red Fort Blast) వద్ద జరిగిన కారు పేలుడు ఘటన దేశవ్యాప్తంగా కలకలం రేపింది. ఇప్పుడు లభిస్తున్న ఆధారాలు ఇది సాధారణ ప్రమాదం కాదని, ఆత్మాహుతి దాడి (Suicide Attack) కావచ్చని సూచిస్తున్నాయి. దర్యాప్తు బృందాలు సంఘటన స్థలంలో సేకరించిన సాక్ష్యాలను పరిశీలించగా, పేలుడు తీవ్రత, వాహనంలో లభించిన పదార్థాల ఆధారంగా ఇది ఉద్దేశపూర్వకంగా జరిగిందని తేల్చే సూచనలు కనిపిస్తున్నాయి.
Read also: Anantapur: తాడిపత్రిలో కలకలం..! వైసీపీ నేతపై దాడి
కారు నుండి ఫ్యూయల్, అమ్మోనియం నైట్రేట్, డిటోనేటర్లు స్వాధీనం
దర్యాప్తు అధికారులు తెలిపిన వివరాల ప్రకారం, 120 కారులో ఫ్యూయల్ క్యాన్లు, అమ్మోనియం నైట్రేట్ సంచులు(Ammonium nitrate bags,), డిటోనేటర్లు(Detonators) లభించాయి. ఇవి సాధారణంగా పేలుడు పరికరాల తయారీలో ఉపయోగించే పదార్థాలు. ఈ ఆధారాల ఆధారంగా పోలీసులు ఇది పథకం ప్రకారం జరిగిన ఉగ్ర దాడి ప్రయత్నం అని భావిస్తున్నారు.
వాహన మార్పిడిలో అనుమానాస్పద లింకులు
పేలిన(Red Fort Blast) కారు హరియాణా రిజిస్ట్రేషన్ నంబర్తో ఉన్నట్లు నిర్ధారణ అయ్యింది. ఆ కారును కశ్మీర్కు చెందిన తారిఖ్ అనే వ్యక్తి ఇటీవల కొనుగోలు చేసినట్లు గుర్తించారు. ఆ తర్వాత వాహనం పలువురి చేతుల మీదుగా మారుతూ చివరికి డాక్టర్ ఉమర్ వద్దకు చేరిందని సమాచారం. పోలీసులు ఈ వాహన మార్పిడిలోని ప్రతి దశను విచారిస్తున్నారు. జమ్మూ కశ్మీర్ పోలీసులు, ఉత్తరప్రదేశ్ ఫరీదాబాద్ ప్రాంతంలో అరెస్టయిన ఉగ్రవాద అనుమానితులతో డాక్టర్ ఉమర్కి సంబంధాలు ఉన్నట్లు తెలిసింది. ఈ లింకులు దర్యాప్తుకు కొత్త దిశ చూపుతున్నాయి. దాడి వెనుక పెద్ద ఉగ్రవాద కుట్ర ఉందేమోనని పరిశోధన కొనసాగుతోంది.
కేంద్ర భద్రతా సంస్థలు సజాగ్రత్త
ఈ ఘటన తర్వాత ఎన్ఐఏ, ఐబీ, డెల్హీ పోలీస్ స్పెషల్ సెల్ బృందాలు రంగంలోకి దిగాయి. దేశ రాజధానిలోని కీలక ప్రాంతాల్లో భద్రత కట్టుదిట్టం చేశారు. ఎర్రకోట పరిసరాల్లో ట్రాఫిక్ నియంత్రణతో పాటు, సీసీటీవీ ఫుటేజ్లను విశ్లేషిస్తున్నారు. ఈ పేలుడు ఘటనతో డెల్హీ ప్రజల్లో ఆందోళన నెలకొంది. భద్రతా సంస్థలు పౌరులను అప్రమత్తంగా ఉండాలని, అనుమానాస్పద కదలికలు గమనించిన వెంటనే పోలీసులకు సమాచారం ఇవ్వాలని విజ్ఞప్తి చేశాయి.
Read hindi news: hindi.vaartha.com
Epaper : epaper.vaartha.com/
Read Also:
