Peddapalli Road Accident: పెద్దపల్లి జిల్లా బసంత్నగర్ సమీపంలో మంగళవారం తెల్లవారుజామున పెను విషాదం చోటుచేసుకుంది. హైదరాబాద్లో చదువుకుంటున్న తమ కుమార్తె ఋషితను పరామర్శించి, తిరిగి ఇంటికి వస్తుండగా జరిగిన రోడ్డు ప్రమాదంలో మంచిర్యాలకు చెందిన దంపతులు ప్రాణాలు కోల్పోయారు. ఈ ఘటనతో వారి కుటుంబంలో తీవ్ర విషాదం నెలకొంది.
Read Also: Chicken Seized in Secunderabad: హైదరాబాద్లో 800 కిలోల కుళ్ళిన చికెన్ పట్టివేత
కల్వర్టును బలంగా ఢీకొన్న కారు
పోలీసుల సమాచారం ప్రకారం.. మంచిర్యాలకు చెందిన ఎడ్ల శ్రీనివాస్, రజిత దంపతులు తమ కారులో ప్రయాణిస్తుండగా బసంత్నగర్ సమీపంలో వాహనం అదుపుతప్పింది. వేగంగా వెళ్తున్న కారు ఒక్కసారిగా రహదారి పక్కనే ఉన్న కల్వర్టును బలంగా ఢీకొట్టింది. ఈ ప్రమాదం ధాటికి కారు తీవ్రంగా దెబ్బతినగా, దంపతులిద్దరూ అక్కడికక్కడే మరణించారు.
స్థానికంగా విషాద ఛాయలు
ప్రమాదం జరిగిన సమయంలో పెద్ద శబ్దం రావడంతో స్థానికులు వెంటనే అక్కడికి చేరుకున్నారు. పోలీసులకు సమాచారం అందించగా, వారు ఘటనా స్థలానికి చేరుకుని మృతదేహాలను పోస్టుమార్టం నిమిత్తం తరలించారు. మంచిర్యాల పట్టణానికి చెందిన ఈ కుటుంబంలో జరిగిన ఘోర ప్రమాదం గురించి తెలిసి బంధువులు, స్నేహితులు కన్నీరుమున్నీరవుతున్నారు. పోలీసులు కేసు నమోదు చేసి దర్యాప్తు చేస్తున్నారు.
Read hindi news: hindi.vaartha.com
Epaper : epaper.vaartha.com
Read Also: