Musi River Tragedy: హైదరాబాద్ నగరంలోని మూసీ నదిలో విషాదం చోటుచేసుకుంది. గడిచిన 24 గంటలుగా గల్లంతైన ముగ్గురు యువకులు విగతజీవులుగా లభ్యమయ్యారు. నిన్న సరదాగా చేపలు పట్టడానికి మూసీ నది వద్దకు వెళ్లిన వీరు, ప్రమాదవశాత్తు నీటి ప్రవాహంలో కొట్టుకుపోయారు. ఈ ఘటనతో స్థానికంగా పెను విషాదం అలుముకుంది.
Read Also:Hyderabad Farmhouse Drug Parties: ఫాంహౌస్ లపై కొరవడిన నిఘా
గాలింపు చర్యల్లో లభ్యమైన మృతదేహాలు
మృతులను ఇబ్రహీంబాగ్ ప్రాంతానికి చెందిన కార్తీక్ (25), గోవర్ధన్ (23), మరియు వెంకటేష్ (25)గా పోలీసులు గుర్తించారు. నిన్న వీరు ఇంటి నుండి బయటకు వెళ్లి తిరిగి రాకపోవడంతో ఆందోళన చెందిన కుటుంబ సభ్యులు పోలీసులకు సమాచారం అందించారు. దీంతో రంగంలోకి దిగిన రెస్క్యూ టీమ్ ముమ్మరంగా గాలింపు చర్యలు చేపట్టింది.
చివరికి సోమవారం నాడు గాలింపు బృందాలకు ఈ ముగ్గురు యువకుల మృతదేహాలు నదిలో లభ్యమయ్యాయి. పోలీసులు మృతదేహాలను బయటకు తీసి, పోస్టుమార్టం నిమిత్తం ఉస్మానియా ఆసుపత్రికి తరలించారు. మృతులంతా ఒకే ప్రాంతానికి చెందిన వారు కావడంతో ఇబ్రహీంబాగ్ గ్రామంలో విషాద ఛాయలు నెలకొన్నాయి. ఈ ఘటనపై పోలీసులు కేసు నమోదు చేసి దర్యాప్తు చేస్తున్నారు.
Read hindi news: hindi.vaartha.com
Epaper: epaper.vaartha.com
Read Also: