Murder: కూకట్పల్లిలో చోటు చేసుకున్న ఈ దారుణం పోలీసు వర్గాలను, స్థానిక ప్రజలను ఉలిక్కిపడేలా చేసింది. స్నేహితుల మధ్య చిన్న వాగ్వాదం ఒకరి ప్రాణాలను తీసే స్థాయికి దారితీయడం ఆందోళన కలిగించే విషయం. ఈ ఘటనకు సంబంధించి మరిన్ని వివరాలు వెల్లడవుతున్న కొద్దీ, నిందితుల పాఠశాల స్థాయి నుండి ప్రారంభమైన నేర చరిత్రలు వెలుగులోకి వస్తున్నాయి. ఈ సంఘటనను క్రిమినల్ మానసికత, మద్యం ప్రభావం, అంతరాళంలో ఉన్న పగలు, భయభ్రాంతులు కలగలిపిన ఘోరమైన ఉదంతంగా పోలీసులు చెబుతున్నారు.
మద్యం, నేరబుద్ధులు మిశ్రమం – ప్రాణహాని
సాధారణంగా స్నేహితుల మధ్య జరిగే జన్మదిన వేడుక, మద్యం మత్తులో నేరానికి మారడం ఎంత ప్రమాదకరమో ఈ ఘటన మళ్లీ రుజువు చేసింది. పోలీసుల వివరాల ప్రకారం, అల్లాపూర్కు చెందిన సయ్యద్ షాహీద్ (Shahid) (23) ఖాళీగా ఉంటున్నాడు. సనత్నగర్ (Sanathnagar) పోలీస్ స్టేషన్ పరిధిలో జరిగిన ఓ హత్య కేసులో ప్రధాన నిందితుడు. ఇతడిపై సంవత్సరం కిందట అల్లాపూర్ ఠాణాలో రౌడీ షీట్ నమోదైంది.
ముఠాల మాయాజాలం – నాశనం వైపు యువజనులు
షాహీద్, మౌలాలికి చెందిన సాజీద్, కూకట్పల్లికి చెందిన పవన్, బోరబండకు చెందిన మున్నా, సమీర్లు కలిసి ఓ గ్యాంగ్గా ఏర్పడ్డారు. ఆదివారం పవన్ పుట్టినరోజు కావడంతో పార్టీ చేసుకుందామని నలుగురు మిత్రులు షాహీద్ను ఆహ్వానించారు. ఐదుగురు కలిసి కూకట్పల్లి వడ్డేపల్లి ఎన్క్లేవ్ ఎదురుగా ఉన్న పెట్రోల్ బంకు పక్కన ఉన్న ఖాళీ స్థలంలో పవన్తో కేక్ కట్ చేయించారు. పొద్దుపోయే వరకు అక్కడే మద్యం తాగారు. ఆ సమయంలో షాహీద్కు, మిత్రులకు మధ్య వాగ్వాదం జరిగినట్లు తెలిస్తోంది.
తలపై మోది దాడి
దీంతో నలుగురు కలిసి మద్యం సీసాలను పగులగొట్టి షాహీద్ గొంతులో పలుమార్లు పొడిచారు. బండరాళ్లతో తలపై మోదడంతో అతను అక్కడికక్కడే మృతి చెందాడు. షాహీద్కు భార్య షమీం బేగం, మూడేళ్లు, 11 నెలల కుమార్తెలున్నారు. డబ్బులు డిమాండ్ చేస్తూ బెదిరింపులకు పాల్పడుతున్నందుకే షాహీద్కు ప్లాన్ ప్రకారమే నిందితులు మట్టుబెట్టినట్లు ప్రాథమిక విచారణలో వెల్లడైనట్లు కూకట్పల్లి ఏసీపీ ఇ.రవి కిరణ్రెడ్డి మీడియా సమావేశంలో తెలిపారు. నిందితుల్లో ఇద్దరు పోలీసుల అదుపులో ఉన్నట్లు తెలుస్తోంది.
తండ్రి నుంచి కుమారుడికి నేర గుణస్వభావం
షాహీద్ తండ్రి వాహేద్ సైతం రౌడీషీటరే. ఆయన 2016 ఆగష్టు 9న గ్యాంగ్స్టర్గా అనుచరుల చేతిలోనే హత్యకు గురయ్యారు. తండ్రిలా షాహీద్ కూడా నేరాల బాట పట్టి ముఠాకు నాయకత్వం వహిస్తూ వచ్చాడు. గంజాయి, మద్యం సేవించి పలువురిపై దాడులకు పాల్పడే వాడు. చోరీ చేసిన సొత్తు పంపకం విషయంలో ఏర్పడిన గొడవలో భరత్ నగర్ వంతెన కింద సహచరుడిని హత్య చేసిన కేసులో ప్రధాన నిందితుడిగా షాహీద్ ఉన్నాడు. ఇతని సోదరుడైన జాహీద్ సైతం ఓ హత్య కేసులో ప్రధాన నిందితుడు.
Read also: Sigachi Blast: ఆశలన్నీ కన్నీరయ్యే..ప్రమాదంలో మృతి చెందిన దంపతులు
Bhopal: ప్రియురాలిని చంపీ బెడ్షీట్లో చుట్టి.. ఇంట్లోనే 3 రోజుల పాటు..