పుదుచ్చేరికి చెందిన ప్రముఖ మోడల్, సోషల్ మీడియా పర్సనాలిటీ(Model, Social Media personality) సాన్ రేచల్ గాంధీ (26)(Saan Rachel) నిన్న ఆత్మహత్య చేసుకున్నారు. ఏడాది క్రితం వివాహం చేసుకున్న రేచల్ పుదుచ్చేరి కారామణికుప్పంలోని ఆమె నివాసంలోనే ఆత్మహత్యకు పాల్పడ్డారు. భారతీయ సినిమా, ఫ్యాషన్ పరిశ్రమ(Indian Cinema, Fashion)లో వర్ణవివక్ష (కలరిజం)కు వ్యతిరేకంగా తన గళాన్ని వినిపించడంలో రేచల్ ముందున్నారు. 2022లో ఆమె మిస్ పుదుచ్చేరి టైటిల్ను గెలుచుకున్నారు. అలాగే మిస్ బెస్ట్ యాటిట్యూడ్ 2019, మిస్ డార్క్ క్వీన్ తమిళనాడు 2019, క్వీన్ ఆఫ్ మద్రాస్ 2022 వంటి అవార్డులను కూడా సొంతం చేసుకున్నారు.
తీవ్రమైన ఆర్థిక ఒత్తిడి..
తీవ్రమైన ఆర్థిక ఒత్తిడి, లెక్కకు మించిన అప్పుల కారణంగానే ఆమె ఆత్మహత్యకు పాల్పడినట్టు పోలీసులు అనుమానిస్తున్నారు.
ఫెయిర్-స్కిన్ ఆరాధనకు వ్యతిరేకంగా పోరాడారు
సాన్ రేచల్ గాంధీ తన మోడలింగ్ కెరీర్ ద్వారా ఫ్యాషన్ పరిశ్రమలో ఒక ప్రత్యేక స్థానాన్ని సంపాదించుకున్నారు. భారతీయ సినిమా, ఫ్యాషన్ పరిశ్రమలలో వేళ్లూనుకున్న ఫెయిర్-స్కిన్ ఆరాధనకు వ్యతిరేకంగా పోరాడారు. ముఖ్యంగా ముదురు రంగు చర్మం గల వ్యక్తులు, ప్రత్యేకించి మహిళలు, ఎదుర్కొనే వివక్షను ఎదిరించడంలో ఆమె సోషల్ మీడియాను వేదికగా చేసుకున్నారు. 2022లో మిస్ పుదుచ్చేరి టైటిల్ గెలుచుకోవడం ద్వారా ఆమె స్థానిక సమాజంలో గుర్తింపు తెచ్చుకున్నారు. ఫ్యాషన్ షోలు, ఇతర ఈవెంట్లలో రేచల్ చురుకైన పాత్ర పోషించారు.
ఆత్మహత్యకు కారణాలు
పోలీసు విచారణ ప్రకారం.. సాన్ రేచల్ తీవ్రమైన ఆర్థిక ఇబ్బందులను ఎదుర్కొంటున్నారని, భారీ అప్పుల కారణంగా ఆమె మానసిక ఒత్తిడిలో ఉన్నట్టు అనుమానిస్తున్నారు. ఫ్యాషన్ షోలు నిర్వహించడంలో జరిగిన నష్టాలు ఈ ఆర్థిక సమస్యలకు దారితీసినట్టు తెలుస్తోంది. అంతేకాక, కొన్ని సోషల్ మీడియా పోస్ట్లు ఆమె ఆరోగ్య సమస్యలతో బాధపడుతూ చికిత్స పొందుతున్నట్టు సూచిస్తున్నాయి. ఇది ఆమె మానసిక ఒత్తిడిని మరింత పెంచి ఉండవచ్చని అనుమానిస్తున్నారు. ఘటనా స్థలంలో సూసైడ్ నోట్ లభించినట్టు తెలిసింది. అయితే దాని గురించి ఇంకా వివరాలు వెల్లడి కాలేదు.
శాన్ రాచెల్ మోడల్ ఎవరు?
శాన్ రీచల్ గాంధీ భారతదేశంలోని పుదుచ్చేరికి చెందిన ఫ్యాషన్ మోడల్, అందం ప్రమాణాలను సవాలు చేయడం మరియు ఫ్యాషన్ పరిశ్రమలో చేరికను ప్రోత్సహించడంలో ప్రసిద్ధి చెందారు.