Iran youth suicide : ఇరాన్కు చెందిన ఓ యువకుడు అమెరికా మాజీ అధ్యక్షుడు డొనాల్డ్ ట్రంప్ను ఉద్దేశించి వీడియో సందేశం విడుదల చేసిన అనంతరం ఆత్మహత్య చేసుకున్న ఘటన అంతర్జాతీయంగా కలకలం రేపుతోంది. ఇరాన్ ప్రభుత్వంతో ఎలాంటి ఒప్పందాలు చేసుకోవద్దని పశ్చిమ దేశాలను కోరుతూ అతడు ఈ తీవ్ర నిర్ణయం తీసుకున్నట్లు తెలుస్తోంది.
బూషెహర్ నగరానికి చెందిన పౌరియా హమీదీ అనే యువకుడు, ఆత్మహత్యకు ముందు సుమారు 10 నిమిషాల వీడియోను విడుదల చేశాడు. “మీరు ఈ వీడియో చూస్తున్నారంటే, నేను ఇక లేనట్టే” అనే మాటలతో వీడియోను ప్రారంభించాడు. ఇరాన్ ప్రభుత్వం గత కొన్నేళ్లలో 40 వేల మందికి పైగా నిరసనకారులను హతమార్చిందని, ఇది పలు అంతర్జాతీయ యుద్ధాల్లో జరిగిన మరణాల కంటే ఎక్కువని అతడు ఆరోపించాడు.
Read Also: Ranji Trophy 2026 : 299 వద్ద ఔట్, ట్రిపుల్ సెంచరీ మిస్! రంజీలో అరుదైన ఘటన
ఇలాంటి ప్రభుత్వంతో ఒప్పందం చేసుకోవడం అంటే మరణించిన ప్రజల త్యాగాలను అవమానించినట్టేనని హమీదీ పేర్కొన్నాడు. “మా ప్రభుత్వాన్ని మేము ఒంటరిగా ఎదుర్కోలేం. ప్రజలకు బయటి ప్రపంచం నుంచి జోక్యం అవసరం” అంటూ వీడియోలో భావోద్వేగంగా మాట్లాడాడు. గతంలో ట్రంప్ నిరసనలకు మద్దతు తెలిపిన విషయాన్ని కూడా అతడు ప్రస్తావించాడు.
ఈ ఘటనపై ఇరాన్ ప్రతిపక్ష మీడియా కథనాలు వెలువరించాయి. ఆదివారం హమీదీ ఆత్మహత్య చేసుకున్నాడని, కుటుంబ సభ్యులు కూడా ఈ విషయాన్ని ధ్రువీకరించారని పేర్కొన్నాయి. అయితే, కొన్ని అంతర్జాతీయ మీడియా సంస్థలు ఈ వార్తను స్వతంత్రంగా నిర్ధారించలేకపోయాయి. ఇప్పటివరకు ఇరాన్ లేదా అమెరికా ప్రభుత్వాల నుంచి అధికారిక ప్రకటన రాలేదు.
Read hindi news: hindi.vaartha.com
Epaper : epaper.vaartha.com
Read Also: