హైదరాబాద్: రాష్ట్రంలో సంచలనం రేపిన సరూర్నగర్ అలకనంద ఆసుపత్రి కిడ్నీ రాకెట్ కేసుకు సంబంధించి కీలక నిందితుడు, సూత్రధారిగా వున్న డాక్టర్ పవన్ను (Dr. Pawan) సిఐడి అధికారులు అరెస్టు చేశారు. ముంబాయిలో రహస్యంగా వుంటున్న ఇతన్ని మంగళవారం నాడు అరెస్టు చేశారు. గత జనవరి నెలలో వెలుగు చూసిన ఈ గోల్మాల్ రాకెట్లో అలక నందతో పాటు జనని, అరుణ అనే మరో రెండు ఆసుపత్రుల పాత్ర వున్నట్లు వెలుగు చూడడం తెలిసిందే. ఈ రాకెట్లో తమిళనాడు, కర్నాటక, జమ్మూ కాశ్మీర్కు చెందిన వైద్యులతో పాటు వైద్య సహాయక సిబ్బంది పాత్ర వున్నట్లు నిర్ధారణ అవడం విదితమే. ఈ కేసులో మొదట అలకనంద ఆసుపత్రి ఎండి డాక్టర్ సుమంత్ పాటు, అలకనంద ఆసుప త్రి రిసెప్షనిస్టు గోపిలను అరెస్టు చేయగా ఆ తరువాత ఈ రాకెట్లో కీలక సూత్రధారి అయిన డాక్టర్ అవినాష్తో (Dr. Avinash) పాటు ఆపరేషన్ల సమయంలో సహాయకులుగా వున్న కర్నాటకు చెందిప పొన్ను స్వామి ప్రదీప్, సూరజ్ మిశ్రా, నల్లగొండకు చెందిన సపావత్ రవీందర్, రమావత్ రవి, సపావత్ హ రీష్, పొదిల సాయిలను అరెస్టు చేశారు.
దేశ వ్యాప్తంగా అనేకప్రాంతాలలో
దీని తరువాత ఈ కేసు విచారణ సిఐడికి బదిలీ అయ్యింది. ఈ కేసులో నిందితులు దేశ వ్యాప్తంగా అనేకప్రాంతాలలో వుండడంతో సిఐడికి బదలాయించారు. సిఐడి విచారణ చేబట్టాక కొందరు నిందితులు పట్టుబడగా తాజాగా డాక్టర్ పవన్ దొరికిపోయాడు. పవన్ పై వైజాగ్ లోనూ కేసులున్నట్లు సిఐడి (CID) విచారణలో తేలింది. వైజాగ్ లో నమోదైన కేసులో పవన్ తనకు బదులు మ రొకరిని జైలుకు పంపినట్లు తేలింది. ఇందుకు గానూ అతను తప్పుడు పత్రాలను సృష్టించాడు. కాగా అలకనంద ఆసుపత్రిలో గత ఏడాది డిసెంబర్ వరకు 20కిడ్నీ ఆపరేషన్లు జరిగాయని సిఐడి తేల్చింది. ఈ కేసులో మరికొందరు నిందితులు పట్టుబడాల్సి ఉంది.
CID అంటే ఏమిటి?
CID అనేది Crime Investigation Department అనే పదానికి సంక్షిప్త రూపం. దీన్ని తెలుగులో నేర విచారణ శాఖ అని పిలుస్తారు. ఇది రాష్ట్ర పోలీస్ విభాగానికి చెందిన ఒక ముఖ్యమైన అన్వేషణ (Investigation) విభాగం.
CID విధులు ఏమిటి?
CID ముఖ్యంగా గంభీర నేరాలు, మోసాలు, అవినీతి, అత్యాచారాలు, హత్యలు, ఆర్థిక నేరాలు వంటి కీలకమైన కేసులపై దర్యాప్తు చేస్తుంది. సాధారణ పోలీసులు విచారణ చేయలేని క్లిష్టమైన కేసులను CID చూడగలదు.
Read hindi news: hindi.vaartha.com