అహ్మదాబాద్లో విషాదం: లండన్కు బయల్దేరిన ఎయిరిండియా విమానం కుప్పకూలి 265 మంది మృతి
అహ్మదాబాద్ నుంచి లండన్కు బయల్దేరిన వెంటనే జరిగిన ఘోర విమాన ప్రమాదం(flight crash) భారత దేశాన్ని తీవ్ర దిగ్భ్రాంతికి గురిచేసింది. గురువారం (జూన్ 12) మధ్యాహ్నం 1:38 గంటలకు టేకాఫ్ అయిన కొద్దిసేపటికే ఎయిరిండియా AI-171 విమానం ప్రమాదానికి గురైంది. విమానంలో ఉన్న 229 మంది ప్రయాణికులు, 12 మంది సిబ్బంది మొత్తం 241 మంది దుర్మరణం చెందారు. అదృష్టవశాత్తూ, ఈ విమానంలో ఉన్న ఒకే ఒక్క ప్రయాణికుడు మాత్రమే సురక్షితంగా ప్రాణాలతో బయటపడడం ఒక అద్భుతం. అయితే ఈ విమానం నేరుగా విమానాశ్రయం సమీపంలో ఉన్న మెడికల్ కళాశాల హాస్టల్పై కూలడం వల్ల, అందులో ఉన్న 25 మంది మెడికల్ విద్యార్థులు కూడా మృత్యువాతపడ్డారు. ఫలితంగా మొత్తం మృతుల సంఖ్య 265కి చేరింది.
ఈ ఘోర ఘటనపై హోం మంత్రి అమిత్ షా స్పందిస్తూ, ఇది దేశాన్ని కదిలించిన విషాదం అని పేర్కొన్నారు. “విమానంలో దాదాపు 1.25 లక్షల లీటర్ల ఇంధనం ఉంది. అది తగలబడటంతో ఉష్ణోగ్రతలు భయంకరంగా పెరిగాయి. దీంతో అక్కడ ఉన్నవారిని రక్షించడం అసాధ్యమైంది,” అని తెలిపారు. ప్రమాద స్థలాన్ని వెంటనే పరిశీలించిన ఆయన, మృతుల కుటుంబాలకు దేశ ప్రజల తరఫున ప్రగాఢ సానుభూతి తెలిపారు. గుజరాత్ ప్రభుత్వం, కేంద్రం సంయుక్తంగా సహాయ, రక్షణ చర్యల్లో పాల్గొన్నాయని వివరించారు.
DNA పరీక్షలతో మృతదేహాల గుర్తింపు: బంధువులకు సమాచారం
ప్రమాదంలో మరణించిన వారిని గుర్తించేందుకు DNA పరీక్షలు వేగంగా చేపడుతున్నారు. గుజరాత్ ఫోరెన్సిక్ సైన్స్ లాబొరేటరీ (FSL), నేషనల్ ఫోరెన్సిక్ సైన్స్ యూనివర్సిటీ (NFSU) సంయుక్తంగా పరీక్షలు నిర్వహిస్తున్నాయి. బంధువుల బస, మానసిక ఓదార్పు కోసం ప్రత్యేక ఏర్పాట్లు చేశారు. ఇప్పటికే బంధువులు చేరిన వారి DNA నమూనాలు సేకరిస్తున్నారు. విదేశాల్లో ఉన్న బంధువులకు సమాచారం అందించి, వారు భారత్ చేరుకున్న వెంటనే వారి నమూనాలు సేకరించనున్నారు. DNA పరీక్షలు పూర్తైన తర్వాతే మృతుల మృతదేహాలను అధికారికంగా అప్పగిస్తారు.
విమాన ప్రమాదంపై లోతైన దర్యాప్తు: ICAO ప్రొటోకాల్ ప్రకారం
ఈ ప్రమాదంపై విచారణ వేగంగా ప్రారంభించేందుకు ఎయిర్క్రాఫ్ట్ యాక్సిడెంట్ ఇన్వెస్టిగేషన్ బ్యూరో (AAIB) రంగంలోకి దిగింది. అంతర్జాతీయ పౌర విమానయాన సంస్థ (ICAO) ప్రోటోకాల్ మేరకు దర్యాప్తు ప్రారంభమైంది. ఈ ప్రమాదానికి కారణాలు ఏవైనా గమనించి, భవిష్యత్తులో ఇలాంటి సంఘటనలు పునరావృతం కాకుండా తీసుకోవాల్సిన జాగ్రత్తలపై హై-లెవెల్ కమిటీని కేంద్ర ప్రభుత్వం నియమించింది. వివిధ రంగాల్లోని నిపుణులతో కూడిన ఈ కమిటీ టెక్నికల్, ఆపరేషన్, భద్రతా కోణాల్లో లోతైన అధ్యయనం చేయనుంది.
ప్రాణాలతో బయటపడిన ఒక్కడు: అద్భుతంగా మిగిలిన జీవితం
ఈ ప్రమాదంలో ప్రాణాలతో బయటపడిన ఒక్క ప్రయాణికుడు ప్రస్తుతం ఆసుపత్రిలో చికిత్స పొందుతున్నారు. అతన్ని మంత్రి అమిత్ షా స్వయంగా ఆసుపత్రిలో కలిశారు. ప్రమాద తీవ్రతను బట్టి చూస్తే ఇది ఒక అద్భుతమే. విమానం పూర్తిగా అగ్నికి ఆహుతైన సమయంలో, ఒక వ్యక్తి ఎలా ప్రాణాలతో బయటపడ్డాడన్నదానిపై వైద్య నిపుణులు అధ్యయనం చేస్తున్నారు. అతని ఆరోగ్యం నిలకడగా ఉందని సమాచారం.
దేశమంతా దిగ్భ్రాంతి – సంఘటనా స్థలాన్ని పరిశీలించిన అధికారులు
ప్రమాదం జరిగిన వెంటనే, గుజరాత్ ప్రభుత్వం కేంద్ర ఆరోగ్య శాఖ, అగ్నిమాపక, పోలీసు, విపత్తు నిర్వహణ విభాగాల సహాయంతో చర్యలు ప్రారంభించింది. సంఘటనా స్థలాన్ని ముఖ్యమైన అధికారులు సందర్శించి, సహాయక చర్యలకు మార్గనిర్దేశనం చేశారు. ఈ సమయంలో తీవ్ర ఉద్వేగానికి గురైన మృతుల బంధువులకు మానసిక సహాయం అందించేందుకు ప్రత్యేక టీములు రంగంలోకి దిగాయి.
Read also: Plane Crash: పెరుగుతున్న సాంకేతిక సమస్యలు కుప్ప కూలుతున్న విమానాలు