Visakhapatnam Crime: విశాఖపట్నం జిల్లా పద్మనాభం మండలంలో తీవ్ర విషాదం చోటుచేసుకుంది. మండలంలోని ఇసకలపాలెం గ్రామంలో నిన్న జరిగిన విద్యుత్ ప్రమాదంలో ఇద్దరు వ్యక్తులు అక్కడికక్కడే ప్రాణాలు కోల్పోయారు. మరొకరు తీవ్ర గాయాలతో ఆసుపత్రి పాలయ్యారు. ఈ ఘటనతో గ్రామంలో ఒక్కసారిగా విషాద ఛాయలు అలుముకున్నాయి.
Read Also: Kakinada Firecracker Blast: బాణసంచా పేలుడు ఘటనలో మరో ఇద్దరి మృతి
పశువుల షెడ్డు నిర్మాణం వేళ మృత్యుపాశం
గ్రామానికి చెందిన కల్ల సూరీడు (65), ఆయన కుమారుడు సూరిబాబు (44) తమ పశువుల కోసం షెడ్డు నిర్మాణ పనులను చేపట్టారు. ఈ పని కోసం తాపీ మేస్త్రి కంటుబోతు శ్రీను (41) సహాయం తీసుకున్నారు. నిన్న మధ్యాహ్నం, నిర్మాణంలో భాగంగా ఒక ఇనుప స్తంభాన్ని నిలబెడుతుండగా, అది ప్రమాదవశాత్తు పైన ఉన్న హైటెన్షన్ విద్యుత్ తీగలకు తగిలింది. దీంతో ముగ్గురూ విద్యుదాఘాతానికి గురయ్యారు.
ఈ ప్రమాదంలో సూరీడు, తాపీ మేస్త్రి శ్రీను అక్కడికక్కడే ప్రాణాలు కోల్పోయారు. సూరిబాబుకు తీవ్ర గాయాలు కావడంతో, స్థానికులు అతడిని 108 అంబులెన్స్లో చికిత్స నిమిత్తం విజయనగరంలోని ఆసుపత్రికి తరలించారు. సమాచారం అందుకున్న పద్మనాభం పోలీసులు ఘటనా స్థలానికి చేరుకుని వివరాలు సేకరించారు. ఈ ఘటనపై కేసు నమోదు చేసి దర్యాప్తు చేస్తున్నట్టు పోలీసులు తెలిపారు. మృతదేహాలను పోస్టుమార్టం నిమిత్తం భీమిలి ప్రభుత్వ ఆసుపత్రికి తరలించారు. ఒకే ఘటనలో ఇద్దరు మృతి చెందడంతో ఇసకలపాలెం గ్రామంలో విషాద ఛాయలు అలముకున్నాయి.
Read Also hindi news: hindi.vaartha.com
Read Also Epaper : epaper.vaartha.com
Read Also:
