ఆర్మీ అధికారినని నమ్మించి వైద్యురాలిపై దారుణం
దేశ రాజధాని ఢిల్లీలో(Delhi) ఒక డెలివరీ బాయ్ వైద్యురాలిపై లైంగిక దాడి(sexual assault) చేసిన ఘటన సంచలనం సృష్టించింది. అమెజాన్లో డెలివరీ బాయ్గా పనిచేస్తున్న ఆరవ్ మాలిక్ అనే నిందితుడు, తనను తాను ఇండియన్ ఆర్మీ లెఫ్టినెంట్ అధికారిగా పరిచయం చేసుకుని సోషల్ మీడియా ద్వారా సఫ్దర్జంగ్ ఆస్పత్రిలో పనిచేస్తున్న ఒక యువ వైద్యురాలితో పరిచయం ఏర్పరచుకున్నాడు. తన వేషాన్ని నమ్మించడానికి, సైనిక యూనిఫారం ధరించిన ఫోటోలను ఆమెకు పంపిన నిందితుడు, ఆమె నమ్మకాన్ని గెలుచుకున్నాడు. ఈ పరిచయం క్రమంగా వారి మధ్య వ్యక్తిగత సమావేశాలకు దారితీసింది.
Read also: పృథ్వీ షా డబుల్ సెంచరీ
మత్తుమందు ఇచ్చి దారుణానికి పాల్పడ్డ నిందితుడు
గత నెలలో, నిందితుడు ఆరవ్ మాలిక్ వైద్యురాలి(Delhi) ఇంటికి వెళ్లి, ఆమెకు మత్తుమందు కలిపిన ఆహారం ఇచ్చాడు. ఆ ఆహారం తిన్న వైద్యురాలు మత్తులో కొట్టుకుపోయిన తర్వాత, నిందితుడు ఆమెపై అత్యాచారం చేసి అక్కడ్నుంచి పారిపోయాడు. స్పృహలోకి వచ్చిన వైద్యురాలు తనపై జరిగిన దారుణాన్ని గుర్తించి, పోలీసులకు ఫిర్యాదు చేసింది.
పోలీసులు కేసు నమోదు చేసుకుని, నిందితుడ్ని గుర్తించి అరెస్టు చేశారు. దర్యాప్తులో, నిందితుడు తన వేషాన్ని నమ్మించడానికి ఆన్లైన్లో ఆర్మీ యూనిఫారం కొనుగోలు చేసిన విషయం కూడా తెలిసింది. ఈ కేసులో మరిన్ని వివరాలు దర్యాప్తు సమయంలో బయటపడతాయని పోలీసులు తెలిపారు.
Read hindi news : hindi.vaartha.com
Epaper : epapervaartha.com
Read Also: