దేశవ్యాప్తంగా సైబర్ నేరగాళ్లు కొత్త కొత్త మార్గాల్లో ప్రజలను మోసం చేస్తున్నారు. చదువు, అనుభవం ఉన్నవారు కూడా వీరి ఉచ్చులో చిక్కుతున్నారు. హర్యానా రాష్ట్రం గురుగ్రామ్లో నివసించే రిటైర్డ్ కల్నల్ విమల్ నారంగ్ తాజాగా ఈ మోసానికి గురయ్యారు. ఫోరెక్స్ ట్రేడింగ్లో పెట్టుబడి పెడితే తక్కువ సమయంలో భారీ లాభాలు వస్తాయంటూ ఒక వ్యక్తి ఆయనను నమ్మించాడు. కొద్ది రోజుల్లోనే పెట్టుబడికి మూడింతల లాభం వస్తుందని చెప్పడంతో కల్నల్ ఆకర్షితులయ్యారు. నమ్మకం పెరిగిన తర్వాత పెద్ద మొత్తంలో పెట్టుబడి పెట్టేందుకు సిద్ధమయ్యారు. ఇదే ఆయనకు భారీ నష్టానికి కారణమైంది.
Read also: UP Crime: సిస్టర్స్ సూసైడ్ కేసులో విస్తుగొలిపే విషయాలు
retired colonel lost ₹2.5 crore after trusting screenshots
నకిలీ స్క్రీన్ షాట్లతో నమ్మించి కోట్ల రూపాయలు కాజేత
సాగర్ రాజ్ అనే వ్యక్తి తానొక కంపెనీ డైరెక్టర్ అని చెప్పుకుంటూ కల్నల్ను సంప్రదించాడు. ఇతర ఇన్వెస్టర్లకు వచ్చిన లాభాలంటూ నకిలీ బ్యాంక్ స్టేట్మెంట్లు, స్క్రీన్ షాట్లను చూపించాడు. అవి నిజమేనని నమ్మిన కల్నల్ తన పొదుపు డబ్బుతో పాటు, ఇటీవల ప్లాట్ అమ్మగా వచ్చిన రూ.1.5 కోట్లను కూడా పెట్టుబడిగా పెట్టారు. విడతల వారీగా మొత్తం రూ.2.5 కోట్లను నిందితుడి ఖాతాకు బదిలీ చేశారు. లాభాలు తీసుకోవాలని ప్రయత్నించిన సమయంలో అకౌంట్ నుంచి డబ్బు విత్డ్రా కాకపోవడంతో అసలు మోసం బయటపడింది. అప్పటికే నిందితుడు ఫోన్ స్విచ్ ఆఫ్ చేసి మాయమయ్యాడు.
పోలీసుల దర్యాప్తు, ప్రజలకు హెచ్చరిక
బాధితుడి ఫిర్యాదు మేరకు గురుగ్రామ్ సెక్టార్-29 పోలీసులు కేసు నమోదు చేసి, దర్యాప్తును ఎకనామిక్ అఫెన్సెస్ వింగ్కు అప్పగించారు. ప్రాథమిక విచారణలో నిందితుడు దుబాయ్లో ఉన్నట్లు, అక్కడ కూడా ఇలాంటి మోసాల్లో పాల్గొన్నట్లు సమాచారం లభించింది. అధికారులు త్వరలోనే అతడిని అదుపులోకి తీసుకుంటామని తెలిపారు. ఇలాంటి సైబర్ మోసాల (cyber crime) నుంచి రక్షణ పొందాలంటే అధిక లాభాల ఆశ చూపే ఆఫర్లను నమ్మకూడదు. ఫోరెక్స్ లేదా స్టాక్ మార్కెట్ పెట్టుబడులు ఎప్పుడూ SEBI గుర్తింపు పొందిన సంస్థల ద్వారానే చేయాలి. ఎవరో పంపే స్క్రీన్ షాట్లే నమ్మి మీ కష్టార్జితాన్ని కోల్పోవద్దు.
Read hindi news: hindi.vaartha.com
Epaper: epaper.vaartha.com
Read Also:
