ఆధునిక యుగంలో ఎవరిని నమ్మాలో ఎవరిని నమ్మకూడదో అర్థం కావడం లేదు. మనల్ని ఎంతో ప్రేమిస్తున్నామని అంటారు, అన్నివిధాలుగా ఆదుకుంటామని భరోసా ఇస్తారు. కానీ వారి నిజస్వరూపం తెలుసుకునేలోపే ప్రాణాలు గాల్లో కలిసిపోతాయి. తాజాగా అమెరికాలో(America) హైదరాబాద్ యువతి నిఖితారావు గొడిశాల తాను ఎంతో నమ్మన వ్యక్తి చేతిలోనే ప్రాణాలను కోల్పోయింది. దీనికి సంబంధించిన వివరాలు ఇలా ఉన్నాయి.
Read also: America: ఖమేనీని మరోసారి హెచ్చరించిన ట్రంప్
అమెరికాలో(America) హైదరాబాద్ యువతి నిఖితారావు గొడిశాలను హత్య చేసి భారత్ కు పారిపోయి వచ్చిన నిందితుడు అర్జున్ శర్మను పోలీసులు ఆరెస్టు చేశారు. అమెరికా పోలీసులు అరెస్ట్ వారెంట్ జారీ చేయడంతో తమిళనాడులో ఇంటర్ పోల్ పోలీసులు అదుపులోకి తీసుకున్నారు. నిఖితారావు గొడిశాల (26) ఎల్లికాట్ సిటీలో నివాసం ఉంటుంది. స్ట్రాటజీ అనలిస్ట్ గా గుర్తించినట్లు హోవార్డ్ కౌంటీ పోలీసులు తెలిపారు. మేరీల్యాండ్ లోని కొలంబియాలోని ట్విన్ రివర్స్ కోడ్ లోని అర్జున్ శర్మ అపార్ట్మెంట్ జనవరి 3న గొడిశాల మృతదేహాన్ని కనుగొన్నారు.
పోలీసులకు నిందితుడే సమాచారం ఇచ్చిన వైనం
నిఖితా రావు తప్పిపోయినట్లుగా అర్జున్ శర్మ జనవరి 2న పోలీసులకు సమాచారం అందించాడు. డిసెంబరు 31న న్యూఇయర్ వేడుకల్లో చివరిసారిగా చూసినట్లు తెలిపారు. పోలీసులకు సమాచారం అందించిన రోజే అర్జున్ శర్మ భారత్ కు వచ్చేశాడు. జనవరి 3న అర్జున్ శర్మ ఇంట్లో నిఖితారావు మృత దేహాన్ని పోలీసులు గుర్తించారు.
అర్జున్ శర్మనే చంపినట్లుగా గుర్తించి.. అరెస్టు వారెంట్ జారీ చేశారు. నిరంతరం భారతీయ అధికారులతో సంప్రదింపులు జరపడంతో తాజాగా తమిళనాడులో నిందితుడిని అరెస్టు చేశారు. ఇక బాధితురాలు సికింద్రాబాద్ లోని లాలాగూడ వాసిగా తెలుస్తోంది.నిఖితారావు గొడిశాల ఫిబ్రవరి 2025 నుంచి వేదా హెల్త్ డేటా, స్ట్రాటజీ అనలిస్ట్గా పనిచేస్తోంది. ఇటీవలె కంపెనీ ‘ఆల్-ఇన్ అవార్డు’ అందుకున్నట్లు కుటుంబ సన్నిహిత వర్గాలు తెలిపాయి. నిఖితా గొడిశాల హత్యపై భారత రాయబారి కార్యాలయం స్పందించింది. తీవ్ర విచారం వ్యక్తం చేసింది. బాధితురాలి కుటుంబ సభ్యులతో సంప్రదింపులు జరుపుతున్నట్లు తెలిపింది.
Read hindi news: hindi.vaartha.com
Epaper: epaper.vaartha.com
Read also: