బెట్టింగ్ యాప్ల కేసులో ప్రముఖ తెలుగు సినీ నటుడు రానా దగ్గుబాటి ఈడీ (ఎన్ఫోర్స్మెంట్ డైరెక్టరేట్) విచారణకు హాజరయ్యారు.ఈరోజు ఉదయం ఆయన హైదరాబాద్లోని ఈడీ కార్యాలయానికి (ED office) చేరుకున్నారు. ఈ కేసులో ఇప్పటికే పలువురు,సినిమా ప్రముఖులు,విచారణకు హాజరైన విషయం తెలిసిందే.ఈడీ అధికారులు గతంలో రానా దగ్గుబాటికి సమన్లు జారీ చేసి, విచారణకు హాజరయ్యేలా ఆదేశించారు. ఆదేశాల మేరకు ఆయన ఉదయం నిర్దిష్ట సమయానికి ఈడీ కార్యాలయంలో హాజరయ్యారు. ఆయనపై ఉన్న ఆరోపణల వివరాల ప్రకారం, కొన్ని ఆన్లైన్ బెట్టింగ్ యాప్ (Online betting app) ల ద్వారా పెద్ద ఎత్తున డబ్బు చలామణి జరిగిందని, ఆ డబ్బు లావాదేవీలలో కొన్ని సినీ ప్రముఖుల పేర్లు వెలుగులోకి వచ్చాయని అధికారులు చెబుతున్నారు.
ఈడీ విచారణకు హాజరైన రానా
ఈడీ విచారణలో ప్రధానంగా రానా దగ్గుబాటి ఆర్థిక లావాదేవీలు, వాటి మూలం, బెట్టింగ్ యాప్లతో ఉన్న సంబంధం వంటి అంశాలపై ప్రశ్నలు అడుగుతున్నట్లు సమాచారం. ఆయన బ్యాంకు ఖాతా వివరాలు, విదేశీ లావాదేవీలు, పెట్టుబడులు, వ్యాపార భాగస్వామ్యాలు వంటి అంశాలను ఈడీ అధికారులు పరిశీలిస్తున్నారని తెలుస్తోంది.బెట్టింగ్ యాప్ల కేసు ఇటీవల కాలంలో తెలుగు రాష్ట్రాల్లో పెద్ద ఎత్తున దృష్టిని ఆకర్షించింది. టెక్నాలజీ వినియోగం పెరగడంతో ఆన్లైన్ బెట్టింగ్ వ్యాప్తి వేగంగా పెరుగుతుండటం, దానివల్ల నేరాలు, ఆర్థిక నష్టాలు పెరుగుతున్నాయని నిపుణులు హెచ్చరిస్తున్నారు. ఈ నేపథ్యంలో సినీ ప్రముఖుల పేర్లు వెలుగులోకి రావడం కేసుకు మరింత ప్రాధాన్యతను తెచ్చిపెట్టింది.
హీరో రానా పూర్తి పేరు ఏమిటి?
హీరో రానా పూర్తి పేరు రామానాయుడు దగ్గుబాటి.
రానా దగ్గుబాటి తొలి సినిమా ఏది?
ఆయన హీరోగా నటించిన తొలి సినిమా లీడర్ (2010).
Read hindi news: hindi.vaartha.com
Read also:
