భారత్(India)తో నెలకొన్న ఉద్రిక్తతల కారణంగా పాకిస్థాన్ భారీ ఆర్థిక నష్టాలను చవిచూస్తోంది. ఈ ఉద్రిక్తతల నేపథ్యంలో పాకిస్థాన్ ప్రభుత్వం రెండు నెలలపాటు తన ఎయిర్స్పేస్ను పూర్తిగా మూసివేసింది. ఈ నిర్ణయం వల్ల పాకిస్థాన్ ఎయిర్పోర్ట్స్ అథారిటీ (Pakistan Airports Authority)కి సుమారు రూ. 1,240 కోట్ల ఆదాయం కోల్పోయింది. సాధారణంగా, విమానాలు పాకిస్థాన్ గగనతలం గుండా వెళ్లినప్పుడు ఆ దేశానికి పెద్ద మొత్తంలో ఆదాయం వస్తుంది. కానీ, ఎయిర్స్పేస్ను మూసివేయడం వలన ఆ ఆదాయం పూర్తిగా ఆగిపోయింది.
భారత్కు వ్యతిరేకంగా నిర్ణయం
భారత్, పాకిస్థాన్ మధ్య ఉన్న సింధూ జలాల ఒప్పందానికి సంబంధించి భారత్ తీసుకున్న నిర్ణయానికి ప్రతీకారంగా పాకిస్థాన్ ఈ ఎయిర్స్పేస్ మూసివేత నిర్ణయాన్ని తీసుకుంది. మన దేశానికి చెందిన విమానాలు తమ గగనతలం గుండా వెళ్లకుండా పాకిస్థాన్ అడ్డుకుంది. అయితే, ఈ నిర్ణయం పాకిస్థాన్కే ఎక్కువ నష్టాన్ని కలిగించింది. ఈ చర్య పాకిస్థాన్కు ఆర్థికంగా పెద్ద దెబ్బ అని చెప్పవచ్చు. ఈ విషయం తెలిసినప్పటికీ, పాకిస్థాన్ తన వైఖరిని మార్చుకోలేదు.
ఎయిర్స్పేస్ మూసివేత పొడిగింపు
తనకు ఆర్థిక నష్టం వాటిల్లుతున్నప్పటికీ, పాకిస్థాన్ ప్రభుత్వం బుద్ధి మార్చుకోలేదు. పైగా, ఎయిర్స్పేస్ మూసివేతను ఆగస్టు 24 వరకు పొడిగించింది. ఈ నిర్ణయం వల్ల పాకిస్థాన్కు మరింత ఆర్థిక నష్టం వాటిల్లే అవకాశం ఉంది. ఈ తరహా రాజకీయ నిర్ణయాల వల్ల పాకిస్థాన్ ఆర్థిక వ్యవస్థ తీవ్ర సంక్షోభంలో కూరుకుపోయే ప్రమాదం ఉందని నిపుణులు హెచ్చరిస్తున్నారు. స్వయంకృతాపరాధం వల్ల పాకిస్థాన్ ఇలాంటి పరిస్థితులను ఎదుర్కొంటోందని విమర్శకులు అభిప్రాయపడుతున్నారు.
Read Also : Virat Kohli: కోహ్లీ, రోహిత్ భవిష్యత్పై బీసీసీఐ కీలక నిర్ణయం!
