Bhuharathi: తెలంగాణ కొత్త భూ చట్టంపై పూర్తి వివరాలు

ధరణికి ముగింపు – భూభారతికి ప్రారంభం

తెలంగాణ ప్రభుత్వం కీలక నిర్ణయం తీసుకుంటూ, ప్రస్తుతం ఉపయోగంలో ఉన్న ధరణి పోర్టల్‌ను స్థానంలో కొత్తగా భూభారతి చట్టాన్ని ప్రవేశపెట్టింది. దీనిపై ప్రభుత్వం జీఓ విడుదల చేసింది. ఇది ప్రాథమికంగా రంగారెడ్డి (కీసర), నల్గొండ (తిరుమలగిరి), నాగార్జున సాగర్ ప్రాంతాల్లో ప్రయోగాత్మకంగా అమలవుతోంది.

ధరణి పోర్టల్ లోపాలు ఏమిటి?

• ధరణి 2020 భూ చట్టానికి అనుసంధానంగా వచ్చింది.
• అయితే, దానిలో పలు లోపాలు ఉండటంతో రైతులు తమ భూములను నమోదు చేయలేక ఇబ్బందులు పడ్డారు.
• దాదాపు 3 లక్షల దరఖాస్తులు పెండింగ్లో ఉండటంతో ప్రజలు అయోమయానికి లోనయ్యారు.
• పేరులేని భూములు రాజకీయ నాయకుల చేతుల్లోకి వెళ్లిపోయిన ఘటనలు చోటు చేసుకున్నాయి.

కొత్తగా భూభారతి చట్టం – ముఖ్యాంశాలు

• 2025 నూతన భూ చట్టంతో భూభారతి పోర్టల్ ఏర్పాటైంది.
• ఇది పూర్తిగా తెలుగులో, స్థానిక పదజాలంతో తయారవుతోంది.
• గూగుల్ ట్రాన్స్లేషన్‌ను ఆధారంగా కాకుండా, గ్రామాల్లో ప్రజలు ఉపయోగించే భాషలో ఉండేలా సీఎం రేవంత్ రెడ్డి ఆదేశించారు.

భూభారతి పోర్టల్ ప్రత్యేకతలు

• AI ఆధారిత పరిష్కార వ్యవస్థ
• భూమిత్ర పోర్టల్ ద్వారా సందేశం పంపే అవకాశం
• 24/7 టోల్ ఫ్రీ సపోర్ట్ (6 నంబర్లు)
• తరుణాల్ని (వాలంటీర్లను) నియమించి ప్రజలకు సహాయం అందించనున్నారు.
• భూములపై కబ్జాల గుర్తింపుతో పాటు భూదారుల వివరాలు స్పష్టంగా ఉంటాయి.

సాంకేతికంగా ముందడుగు

• ధరణిలో ఉన్న 33 మాడ్యూల్స్లో కేవలం 6 మాడ్యూల్స్ను మాత్రమే భూభారతిలో అమలు చేస్తున్నారు.
• భూదారులు తామే వివరాలు నమోదు చేసుకునే అవకాశం.
• 8-9 టెరాబైట్లు డేటా సురక్షితంగా సేవ్ చేశారు.
• మునుపటిలా 30 సెకన్లు కాదు – ఇప్పుడు కేవలం 3–4 సెకన్లలో సేవ్ అవుతుంది.
• ఇంగ్లీష్, తెలుగు, ఉర్దూ భాషలలో అందుబాటులో ఉంటుంది.

పట్టాదారులు, అనుభవదారుల హక్కులు

• గతంలో ఉన్న అనుభవదారుల హక్కులను ధరణి నుంచి తొలగించగా, ఇప్పుడు భూభారతిలో ఆ హక్కులను పునరుద్ధరించే దిశగా చర్చలు జరుగుతున్నాయి.
• భూమిని సాగుచేసే రైతులకు కూడా భద్రత కల్పించేలా చట్టం ఉండబోతుంది.