విక్టరీ వెంకటేష్, దర్శకుడు అనిల్ రావిపూడి కాంబినేషన్లో కొత్త సినిమా సంక్రాంతికి వస్తున్నాం త్వరలో ప్రేక్షకుల ముందుకు రాబోతోంది. గతంలో ఈ ఇద్దరి కాంబినేషన్లో వచ్చిన ఎఫ్2,ఎఫ్3 సినిమాలు మంచి విజయాలు సాధించాయి.ఇవి ప్రేక్షకుల గుండెల్లో ప్రత్యేక స్థానం పొందాయి. ఇప్పుడు అదే విజయాన్ని మరోసారి రిపీట్ చేయాలని ఈ చిత్రబృందం ఆశిస్తోంది.ఈ సినిమా జనవరి 14న సంక్రాంతి పండుగ సందర్భంగా విడుదల కానుంది. ఇప్పటికే విడుదలైన పోస్టర్లు, గ్లింప్స్, పాటలు ప్రేక్షకులను బాగా ఆకర్షించాయి. ఇటీవల విడుదలైన ట్రైలర్ సినిమాపై మరింత ఆసక్తిని పెంచింది. ట్రైలర్ చూస్తే, కామెడీ, ఎమోషన్ మిళితమైన ఫ్యామిలీ ఎంటర్టైనర్గా ఈ సినిమా ఉండబోతుందని స్పష్టమవుతోంది.
ఈ సినిమాలో వెంకటేష్ పోలీస్ ఆఫీసర్ పాత్రలో కనిపించనున్నారు. ఆయన భార్యగా ఐశ్వర్య రాజేష్, ఎక్స్ గర్ల్ఫ్రెండ్ పాత్రలో మీనాక్షి చౌదరి నటిస్తున్నారు. ఈ రెండు పాత్రలు సినిమాకు హైలైట్ అవుతాయని టాక్. దర్శకుడు అనిల్ రావిపూడి తన విభిన్నమైన కామెడీ టచ్తో ప్రేక్షకులను మరోసారి నవ్వించడానికి సిద్ధమయ్యారు. ట్రైలర్లో వెంకటేష్ మునుపెన్నడూ చూడని డిఫరెంట్ షేడ్స్లో కనిపించి ఆశ్చర్యపరిచారు.ఒకవైపు ఆయన కామెడీ టైమింగ్ అద్భుతంగా ఉంటే, మరోవైపు ఎమోషనల్ సీన్స్లోనూ ఆకట్టుకున్నారు. ఐశ్వర్య రాజేష్ తన న్యాచురల్ పెర్ఫార్మెన్స్తో ప్రేక్షకుల మనసు గెలుచుకోగా, మీనాక్షి చౌదరి తన అందంతో సినిమాకు ప్రత్యేకమైన గ్లామర్ను జోడించింది.
ఈ సినిమా సంక్రాంతి పండుగ సందర్భంగా అన్ని వర్గాల ప్రేక్షకులను ఆకట్టుకునే విధంగా రూపొందించారు.కామెడీ, ఎమోషన్, డ్రామా—ఈ మూడు అంశాలు ప్రేక్షకులకు పూర్తి వినోదాన్ని అందిస్తాయని అనిల్ రావిపూడి ధీమాగా చెప్పుకొచ్చారు.ఇప్పటికే ప్రేక్షకులు ఈ కాంబినేషన్ను బాగా అభిమానించడంతో, ఈ సినిమా కూడా బ్లాక్బస్టర్ అవుతుందనే ఆశలు ఉన్నాయి.ఈ సినిమాను దిల్ రాజు బ్యానర్లో అత్యంత ప్రతిష్టాత్మకంగా నిర్మిస్తున్నారు. చిత్రబృందం కూడా ఈ చిత్రంపై పూర్తి విశ్వాసంతో ఉంది.సంక్రాంతి పండగకు సరైన ఫ్యామిలీ ఎంటర్టైనర్ ఇదే అని నిర్మాతలు తెలిపారు.
