అంకిత్ కొయ్య, నీలఖి జంటగా తెరకెక్కుతున్న బ్యూటీ సినిమా (Beauty movie) టాలీవుడ్లో మంచి బజ్ క్రియేట్ చేస్తోంది. ఇప్పటికే పోస్టర్లు, టీజర్కి మంచి స్పందన వచ్చింది. తాజాగా ఈ చిత్ర ట్రైలర్ను యంగ్ హీరో అక్కినేని నాగచైతన్య లాంచ్ చేసి సినిమా టీమ్కు తన శుభాకాంక్షలు తెలియజేశాడు.ఈ చిత్రాన్ని జేఎస్ఎస్ వర్ధన్ డైరెక్ట్ చేస్తున్నారు. కథ, డైలాగ్స్ కూడా ఆయనే అందిస్తున్నారు. ట్రైలర్లో చూపించిన కంటెంట్ సినిమా పట్ల ప్రేక్షకుల్లో మంచి ఆసక్తి రేకెత్తిస్తోంది. ప్రేమకథ, ఫ్యామిలీ ఎమోషన్స్ మిళితమై ఉండేలా కనిపిస్తోంది.
హీరో-హీరోయిన్ల కెమిస్ట్రీ
ట్రైలర్లో అంకిత్, నీలఖి మధ్య సాగే ప్రేమ ట్రాక్ ప్రత్యేకంగా ఆకట్టుకుంది. “ఎప్పుడైనా నేను నిన్ను కోప్పడితే వదిలిపోకు” అని హీరో చెప్పగా, “నిన్ను వదిలేయడం అంటే ఊపిరి వదిలేయడం లాంటిది” అని హీరోయిన్ స్పందించే డైలాగ్స్ యువతను బాగా కనెక్ట్ చేస్తున్నాయి. ఆటో వెనుక రాసే కొటేషన్లతో జరిగే సంభాషణలు ట్రైలర్కి ప్రత్యేక ఆకర్షణగా నిలిచాయి.
తండ్రీ కూతుళ్ల బంధం
ఈ మూవీలో తండ్రీకూతుళ్ల సంబంధం కీలకమైన ఎమోషనల్ పాయింట్గా ఉంటుందని ట్రైలర్ స్పష్టం చేస్తోంది. “అందరికీ ఉంటారు కూతుళ్లు.. కానీ ఇలా నెత్తిమీద పెట్టుకుని చూసేవాళ్లు మీరే” అనే డైలాగ్ ఫ్యామిలీ ఆడియెన్స్ను ఆకట్టుకునేలా ఉంది.సినిమాలో టాలీవుడ్ సీనియర్ నటుడు నరేశ్ ఒక ముఖ్యమైన పాత్రలో కనిపిస్తున్నారు. ఇప్పటికే టీజర్లో వచ్చిన ఆయన డైలాగ్స్ భావోద్వేగాలను రేకెత్తించాయి. “కూతురు అడిగింది కొనిచ్చేటప్పుడు వచ్చే కిక్కు మధ్యతరగతి తండ్రికే తెలుస్తుంది” అనే మాటలు తండ్రి ప్రేమను అద్భుతంగా వ్యక్తపరిచాయి. ఈ డైలాగ్ సినిమాపై మరింత ఆసక్తి పెంచుతోంది.సినిమాకు మ్యూజిక్ డైరెక్టర్గా విజయ్ బల్గానిన్ పని చేస్తున్నారు. ఆయన సంగీతం ఇప్పటికే టీజర్కి మంచి లిఫ్ట్ ఇచ్చింది. ట్రైలర్లో వినిపించిన బ్యాక్గ్రౌండ్ స్కోర్ కూడా భావోద్వేగ సన్నివేశాలను బలంగా చూపించింది.
సెప్టెంబర్ 19న విడుదల
బ్యూటీ మూవీ సెప్టెంబర్ 19న (Beauty movie on September 19th) ప్రేక్షకుల ముందుకు రానుంది. లవ్, ఫ్యామిలీ డ్రామా, ఎమోషనల్ సన్నివేశాల మేళవింపుతో రూపొందిన ఈ చిత్రం టాలీవుడ్లో మరో మంచి ఫ్యామిలీ ఎంటర్టైనర్గా నిలుస్తుందనే అంచనాలు ఉన్నాయి.అంకిత్, నీలఖి జంట ఫ్రెష్గా కనిపించడంతో పాటు కథలో ఉన్న భావోద్వేగాలు ప్రేక్షకులను ఆకట్టుకునేలా ఉన్నాయి. నాగచైతన్య లాంచ్ చేసిన ట్రైలర్కి వచ్చిన స్పందనతో బ్యూటీపై మరింత హైప్ పెరిగింది. సెప్టెంబర్ 19న ఈ చిత్రం బాక్సాఫీస్ వద్ద ఎలా రాణిస్తుందో చూడాలి.
Read Also :
