యంగ్ హీరో తేజ సజ్జా నటించిన తాజా పాన్ ఇండియా చిత్రం ‘మిరాయ్’ బాక్సాఫీస్ వద్ద కలెక్షన్ల వర్షం (‘Mirai’ rakes in box office collections) కురిపిస్తోంది. రిలీజ్కి ముందు పెద్దగా హైప్ లేకపోయినా, థియేటర్లలో ప్రేక్షకులు చూపుతున్న రెస్పాన్స్ వేరే లెవల్లో ఉంది.రేట్లు పెంచకుండా, సినిమా మొదటి రోజు ప్రపంచవ్యాప్తంగా రూ.27.20 కోట్లు వసూలు చేసింది. రెండవ రోజు కలెక్షన్లు మరింత పెరిగి రూ.28.40 కోట్లకు చేరుకున్నాయి. కేవలం రెండు రోజుల్లోనే ఈ సినిమా రూ.55.60 కోట్ల క్లబ్లోకి దూసుకెళ్లడం ట్రేడ్ వర్గాలను ఆశ్చర్యపరుస్తోంది.స్టార్ హీరోలు సాధించలేని రేంజ్లో ఓ యంగ్ హీరో సినిమా ఇలాంటి ఫలితం సాధించడం ఫిల్మ్ ఇండస్ట్రీలో హాట్ టాపిక్ అయింది. తేజ సజ్జా గతంలో ‘హనుమాన్’తో పాన్ ఇండియా రేంజ్ని టచ్ చేసి, రూ.300 కోట్ల క్లబ్లోకి ఎంట్రీ ఇచ్చాడు. ఇప్పుడు ‘మిరాయ్’తో ఆ రికార్డులను మించి దూసుకెళ్లాలని చూస్తున్నాడు.
ఓవర్సీస్లో మిరాయ్ హవా
దేశంలోనే కాకుండా విదేశాల్లోనూ ‘మిరాయ్’ కలెక్షన్లు దుమ్మురేపుతున్నాయి. అమెరికా (America) లో ఈ సినిమా మిలియన్ డాలర్ క్లబ్లోకి చేరింది. అక్కడ డిమాండ్ పెరగడంతో థియేటర్ల సంఖ్యను కూడా పెంచుతున్నారు. ట్రేడ్ అంచనా ప్రకారం, ఈ వీకెండ్లోపు $1.5 మిలియన్ మార్క్ దాటే అవకాశాలు స్పష్టంగా కనిపిస్తున్నాయి.ఈ సినిమా థియేట్రికల్ రైట్స్ సాధారణ ధరలకు అమ్మేశారు. అయినా, నాన్ థియేట్రికల్ హక్కుల ద్వారానే నిర్మాతలు రూ.20 కోట్లకు పైగా లాభాలు ఆర్జించారు. దీంతో బయ్యర్లు, డిస్ట్రిబ్యూటర్లు ఎవరూ టెన్షన్ పడాల్సిన అవసరం లేదు. ఏపీ, తెలంగాణలో సోమ, మంగళవారాల్లోనే బ్రేక్ ఈవెన్ దాటేసి, లాభాల్లోకి వెళ్లే అవకాశం ఖాయం అని విశ్లేషకులు చెబుతున్నారు.
తేజ సజ్జా క్రేజ్ పెరుగుదల
‘హనుమాన్’ తరువాత ‘మిరాయ్’ కూడా బ్లాక్బస్టర్ అవడంతో తేజ సజ్జా క్రేజ్ గణనీయంగా పెరిగిపోయింది. వరుస విజయాలతో అతని మార్కెట్ బలపడింది. ప్రస్తుతం తన నెక్స్ట్ ప్రాజెక్టులపై దృష్టి సారించాడు.‘జాంబీ రెడ్డి 2’ కు ఇప్పటికే గ్రీన్ సిగ్నల్ ఇచ్చాడు. అదేవిధంగా ‘మిరాయ్ 2’ కూడా చేయనున్నాడు. ఈ మూవీకి స్క్రిప్ట్ పనులు స్టార్ట్ అయ్యాయి. ఇవి పూర్తైన తరువాత ‘జై హనుమాన్’ అనే భారీ ప్రాజెక్ట్లో నటించనున్నాడని సమాచారం.
కొత్త దిశలో ప్రయాణం
లవ్ స్టోరీలు, రొమాంటిక్ డ్రామాలను పక్కన పెట్టి, తేజ సజ్జా ఫాంటసీ, అడ్వెంచర్, డివోషనల్ థీమ్లపై దృష్టి పెట్టడం ఫిల్మ్ నగర్లో చర్చనీయాంశమైంది. తనదైన మార్క్ను ప్రూవ్ చేసుకున్న తేజ, ఇప్పుడు స్టార్ స్టేటస్ దిశగా వేగంగా అడుగులు వేస్తున్నాడు. మొత్తం మీద, ‘మిరాయ్’ రెండు రోజుల్లో సాధించిన రికార్డ్ కలెక్షన్లు ఇండస్ట్రీలో కొత్త చరిత్ర సృష్టించాయి. తేజ సజ్జా వరుస విజయాలతో పాన్ ఇండియా స్థాయిలో స్టార్ హీరోగా నిలిచే దారిలో ఉన్నాడు.
Read Also :