బాలీవుడ్ స్టార్ హీరో హృతిక్ రోషన్, తెలుగు యంగ్ టైగర్ జూనియర్ ఎన్టీఆర్ (Jr. NTR) కలిసి నటించిన యాక్షన్ థ్రిల్లర్ ‘వార్ 2’ (War 2) బాక్సాఫీస్ వద్ద దుమ్మురేపుతోంది. ఆగస్టు 14న స్వాతంత్ర్య దినోత్సవ సందర్భంగా విడుదలైన ఈ చిత్రం, మొదటి రెండు రోజుల్లోనే ప్రపంచవ్యాప్తంగా అద్భుతమైన వసూళ్లు సాధించింది.
రెండు రోజుల్లోనే ₹108 కోట్ల క్లబ్లోకి
మొదటి రోజు మిశ్రమ స్పందన వచ్చినప్పటికీ సినిమా రూ. 51.50 కోట్లు వసూలు చేసింది. అయితే రెండో రోజు స్వాతంత్ర్య దినోత్సవ సెలవు కావడంతో భారీగా పుంజుకుంది. ఒక్క రోజే రూ. 56.50 కోట్లు సాధించి, మొత్తం వసూళ్లు రెండు రోజుల్లోనే ₹108 కోట్లకు చేరాయి. దీంతో 2025లో అత్యంత వేగంగా 100 కోట్ల క్లబ్లోకి చేరిన చిత్రాలలో ఒకటిగా నిలిచింది.
హృతిక్ – ఎన్టీఆర్ కాంబినేషన్కు స్పందన
ఈ సినిమాలో హృతిక్ రోషన్ (Hrithik Roshan)‘కబీర్’ అనే ఏజెంట్గా కనిపిస్తే, జూనియర్ ఎన్టీఆర్ ప్రతినాయకుడి పాత్రలో పవర్ఫుల్గా మెప్పించారు. ముఖ్యంగా ఇద్దరి మధ్య వచ్చే యాక్షన్ సన్నివేశాలు ప్రేక్షకులను సీటు ఎడ్జ్లో కూర్చోబెట్టేలా చేశాయి. ఉత్తర భారతంలో హృతిక్ స్టార్డమ్ సినిమాకు ప్లస్గా పనిచేస్తుండగా, తెలుగు రాష్ట్రాల్లో ఎన్టీఆర్ ఇమేజ్ భారీ కలెక్షన్లకు దోహదపడుతోంది.
రజనీకాంత్ ‘కూలీ’తో పోటీ
‘వార్ 2’ విడుదలకు ముందు నుంచే రజనీకాంత్ నటించిన ‘కూలీ’తో బాక్సాఫీస్ పోటీ ఉంటుందని ఊహించబడింది. కానీ ఆ పోటీని ఎదుర్కొంటూ, తన సత్తాను చాటుకుంటూ ‘వార్ 2’ (War 2) రికార్డు స్థాయి వసూళ్లు సాధిస్తోంది.
భారీ నిర్మాణ విలువలు – అద్భుత యాక్షన్
యశ్ రాజ్ ఫిలిమ్స్ నిర్మించిన ఈ చిత్రానికి అయాన్ ముఖర్జీ దర్శకత్వం వహించారు. కియారా అద్వానీ, అనిల్ కపూర్, అశుతోష్ రాణా వంటి నటులు కీలక పాత్రల్లో నటించారు. భారీ స్థాయిలో తెరకెక్కిన యాక్షన్ ఘట్టాలు, టాప్ నాచ్ టెక్నికల్ విలువలు సినిమాకు ప్రత్యేక ఆకర్షణగా నిలిచాయి.
Read hindi news: hindi.vaartha.com
Read also:
