నడిగర్ సంఘం భవన నిర్మాణ పనులు ఆలస్యం కావడంతో కోలీవుడ్ స్టార్ హీరో విశాల్ (Vishal), నటి సాయి ధన్సికల వివాహం వాయిదా పడింది. ముందుగా ప్రకటించిన ఆగస్టు 29న పెళ్లి జరగదని విశాల్ స్పష్టం చేశారు.
విశాల్-ధన్సికల పెళ్లి వాయిదా!
కోలీవుడ్ యాక్షన్ హీరో విశాల్ (Vishal), ‘కబాలి’ ఫేమ్ సాయి ధన్సిక ప్రేమలో ఉన్నారన్న సంగతి తెలిసిందే. ఈ విషయాన్ని కొద్దిరోజుల క్రితం బహిరంగంగా ప్రకటించిన ఈ జంట, త్వరలోనే పెళ్లి చేసుకోనున్నట్లు కూడా తెలిపారు. అయితే, ఆగస్టు 29న జరగాల్సిన వీరి వివాహం వాయిదా పడినట్లు తెలుస్తోంది. నడిగర్ సంఘం (దక్షిణ భారత కళాకారుల సంఘం) భవన నిర్మాణం పూర్తి కాకపోవడమే ఇందుకు కారణం.
నడిగర్ సంఘం భవనంలోనే పెళ్లి!
తన పెళ్లి వాయిదా పడటంపై విశాల్ స్పందించారు. “సాయి ధన్సికతో (Sai Dhansika) నా పెళ్లి నడిగర్ సంఘం (Nadigar Sangam building) భవంతిలోనే జరుగుతుంది. అది ఎప్పుడు పూర్తయితే అప్పుడే మా వివాహానికి ఏర్పాట్లు చేసుకుంటాం. నడిగర్ సంఘం భవనం కోసం తొమ్మిదేళ్లుగా ఎదురుచూశాను. ఇప్పుడు ఇంకో రెండు నెలలు ఆగలేనా? నడిగర్ సంఘంలో జరగబోయే మొదటి పెళ్లి నాదే. అందులో డౌటేమీ లేదు. ఇప్పటికే బుకింగ్ కూడా చేసుకున్నాను. ప్రస్తుతం ఆ భవంతి మూడో అంతస్తులో పెళ్లి మందిరాన్ని నిర్మిస్తున్నారు” అని విశాల్ చెప్పుకొచ్చారు. విశాల్ తన రాజకీయ రంగ ప్రవేశం గురించి కూడా మాట్లాడటం గమనార్హం.
నిరీక్షణకు తెరపడేనా?
నడిగర్ సంఘం భవన నిర్మాణం ఎన్నో ఏళ్లుగా జరుగుతోంది. 2017లో ఈ భవన నిర్మాణానికి శ్రీకారం చుట్టారు. ఎందరో ప్రముఖుల సహాయ సహకారాలు ఉన్నప్పటికీ, ఈ భవన నిర్మాణం పదేపదే జాప్యాలను ఎదుర్కొంది. ఈ భవనాన్ని ఎలాగైనా పూర్తి చేయాలని విశాల్ కంకణం కట్టుకున్నారు. మొత్తానికి ఈ కల అతి త్వరలోనే నెరవేరనుందని సమాచారం. ఇప్పుడు ఈ సంఘం భవంతి ప్రారంభోత్సవం కోసం విశాల్ అభిమానులు ఆసక్తిగా ఎదురు చూస్తున్నారు. విశాల్ పెళ్లితో పాటు, ఈ భవనం ప్రారంభోత్సవం కూడా ఆయన అభిమానులకు పండగే అని చెప్పాలి.
విశాల్ సినిమా అప్డేట్స్
సినిమాల విషయానికి వస్తే, గతంలో కంటే విశాల్ సినిమాలు తగ్గించారు. అతను చివరగా ‘మదగజరాజ’ మూవీతో అలరించారు. ప్రస్తుతం ‘తుప్పరివాలన్ 2’ మూవీ చేస్తున్నారు. గతంలో వచ్చిన సూపర్ హిట్ సినిమా ‘డిటెక్టివ్’ కు ఇది సీక్వెల్ గా తెరకెక్కుతోంది. త్వరలోనే ఈ సినిమా ప్రేక్షకుల ముందుకు రానుంది. ఈ సినిమాపై విశాల్ అభిమానుల్లో భారీ అంచనాలు ఉన్నాయి.
విశాల్ దేనితో బాధపడుతున్నాడు?
ఈ కార్యక్రమం తర్వాత, అతన్ని అపోలో ఆసుపత్రిలో చేర్చారు, అక్కడ వైద్యులు అతను వైరల్ జ్వరంతో బాధపడుతున్నాడని నిర్ధారించారు మరియు కోలుకోవడానికి పూర్తి బెడ్ రెస్ట్ సూచించారు. ఆరోగ్య పరిస్థితి ఉన్నప్పటికీ విశాల్ అంకితభావం గురించి మీరు ఏమనుకుంటున్నారు?
విశాల్ పెళ్లి చేసుకుంటున్నాడా?
అవును, విశాల్ నటి సాయి ధన్షికను వివాహం చేసుకుంటున్నాడు. మీడియా నివేదికల ప్రకారం, ధన్షిక రాబోయే చిత్రం “యోగి దా” ఆడియో మరియు ట్రైలర్ లాంచ్ కార్యక్రమంలో వారు ఆగస్టు 29, 2025 న తమ వివాహం చేసుకోనున్నట్లు ప్రకటించారు. ఈ జంట తాము 15 సంవత్సరాలుగా స్నేహితులుగా ఉన్నామని మరియు ఇటీవల డేటింగ్ ప్రారంభించామని, దీని ఫలితంగా వివాహం చేసుకోవాలని నిర్ణయించుకున్నామని వెల్లడించారు.
Read hindi news: hindi.vaartha.com
Read Also: Dulquer Salmaan: సీఎం రేవంత్ రెడ్డిని కలిసిన హీరో దుల్కర్ సల్మాన్