నడిగర తిలకం శివాజీ గణేష్ మనవడిగా, సీనియర్ నటుడు ప్రభు కుమారుడిగా ఫ్యాన్స్ ముందు పరిచయమయ్యే అవకాశం Vikram Prabhuకి లభించింది. 2012లో తమిళ చిత్రం ‘కుమ్కి’ ద్వారా మొదటి ఎంట్రీ ఇచ్చిన ఆయన, ఆ తర్వాత వరుసగా కొన్ని చిత్రాల్లో నటిస్తూ హీరోగా స్థిరపడేందుకు ప్రయత్నించారు. వర్స్టైలిటీతో కూడిన నటన, పాత్రను తీర్చిదిద్దే విధానం Vikram Prabhuకు ప్రత్యేక గుర్తింపును తెచ్చింది.విక్రమ్ ప్రభు ఇప్పటి వరకు నటించిన సినిమాలు కొన్ని తెలుగులో డబ్ చేయబడ్డాయి. కానీ డైరెక్ట్ తెలుగు సినిమాల్లో ఆయన ఎప్పటికి అవకాశాలివ్వలేదు. ఈ కోరికను ఈసారి ‘ఘాటి’ చిత్రం తీర్చబోతోంది. ప్రముఖ దర్శకుడు కృష్ణ జాగర్లమూడి దర్శకత్వంలో తెరకెక్కిన ఈ సినిమాలో అనుష్క శెట్టి ప్రధాన పాత్రలో నటించారు. విక్రమ్ ప్రభు ఈ చిత్రంలో దేశీరాజు అనే కీలక పాత్రలో నటిస్తూ, సినిమాకు ఒక కొత్త కాంతిని తీసుకువస్తున్నారు.
తాజాగా ఇచ్చిన ఇంటర్వ్యూలో
‘ఘాటి’ సినిమాకు సెప్టెంబర్ 5న రిలీజ్ తేదీ ఫిక్స్ చేయడం జరిగింది. ఈ నేపథ్యంలో యూనిట్ ప్రమోషన్లకు జోరు పెంచింది. ఫ్యాన్స్ కోసం, సినిమా బిజినెస్ను ఊపందించడానికి, ప్రెస్ మీట్స్, ఇంటర్వ్యూలు, సోషల్ మీడియా ప్రమోషన్స్ వేగవంతంగా జరుగుతున్నాయి. అనుష్క శెట్టి (Anushka Shetty) తన ప్రత్యేక ఆకర్షణతో ప్రమోషన్లను హ్యాండిల్ చేస్తుండగా, విక్రమ్ ప్రభు కూడా ప్రమోషన్లలో తన వంతు బాధ్యతను తీర్చడంలో ఏ మాత్రం తగ్గడం లేదు. దర్శకుడు కృష్ణ జాగర్లమూడి కూడా యూనిట్ ప్రమోషన్లలో నేరుగా పాల్గొని ప్రేక్షకులకు సినిమా విశేషాలను పరిచయం చేస్తున్నారు.ఈ నేపథ్యంలోనే తాజాగా ఇచ్చిన ఇంటర్వ్యూలో ఆయన పలు విషయాల్ని షేర్ చేసుకున్నారు.ఘాటి’ అందరికీ ఓ కొత్త అనుభూతినిస్తుంది. అందులోని ప్రపంచం ప్రతి ఒక్కరికీ కనెక్ట్ అవుతుంది. ఎంతో ఫ్యాషన్ ఉంటే తప్ప ఇలాంటి సినిమా ఎవరూ చేయలేరు. రెగ్యులర్ చిత్రాలకు భిన్నమైన మూవీ. డైరెక్టర్ క్రిష్ కథ చెప్పడానికి ముందే ఆ ప్రపంచం ఎలా ఉంటుందో చూపించారు.
చాలా డిఫరెంట్
స్క్రిప్ట్ ఫ్రెష్గా ఉండటంతో పాటు నాకు ఎంతో ఇష్టమైన నటి అనుష్క ఉండటంతో వెంటనే ఓకే చెప్పేశా. క్రిష్ దర్శకత్వంలో ఎప్పటినుంచో నటించాలని అనుకుంటున్నా. ఇప్పటికి ఆ కోరిక తీరింది. ఆంధ్రా – ఒడిశా సరిహద్దుల్లో జరిగే ఈ కథలో నేను దేశీరాజు అనే పాత్రలో నటించా. ఇందులో పలికే బాష, యాస నాకు సవాలుగా నిలిచింది. యాక్షన్ సినిమాలు ఇష్టపడే నాకు ఈ మూవీలోని ఫైట్లు చాలా డిఫరెంట్గా అనిపించాయి’తాత, నాన్న నటులు కావడంతో చిన్నప్పటి నుంచి ఆ ప్రభావం నాపై పడుతూనే ఉంది. నేను డైరెక్టర్ని కావాలనుకుంటే చివరికి హీరో కావాల్సి వచ్చింది. నా లైఫ్లో ఏదీ అనుకున్నట్లుగా జరగలేదు. అందుకే నా మనసు ఏది చెబితే అది చేసుకుంటూ పోవడం అలవాటు చేసుకున్నా. అనుష్కతో నటించే అవకాశం చాలా ఏళ్ల క్రితమే వచ్చింది. గుణశేఖర్ దర్శకత్వంలో వచ్చిన ‘రుద్రమదేవి’ సినిమాలో గోన గన్నారెడ్డి పాత్రకి ముందుగా నన్నే అడిగారు. అయితే అప్పుడు నాకు డేట్స్ అడ్జస్ట్ కాకపోవడంతో ఆ ఛాన్స్ వదులుకున్నా. అల్లు అర్జున్ ఆ పాత్రకు నూటికి నూరుశాతం న్యాయం చేశారు. అనుష్కతో నటించాలన్న నా కోరిక ఇన్నాళ్లకు ‘ఘాటి’తో తీరడం సంతోషాన్నిస్తోంది’ అని చెప్పుకొచ్చాడు విక్రమ్ ప్రభు.
ఆయన సినిమా డెబ్యూట్ ఎప్పుడు ఏ సినిమా ద్వారా జరిగింది?
2012లో “కుమ్కి” సినిమాలో హీరోగా ఎంట్రీ చేశారు.
విక్రమ్ ప్రభు ఇప్పటి వరకు ఎన్ని సినిమాల్లో నటించారు?
ఆయన వరుస చిత్రాల్లో నటిస్తూ హీరోగా నిలబడటానికి ప్రయత్నించారు. కొన్ని సినిమాలు తెలుగులో డబ్ అయినప్పటికీ, డైరెక్ట్ తెలుగు సినిమా ఇప్పటివరకు చేయలేదు.
Read hindi news: hindi.vaartha.com
Read also: