Vikram on duty review : బిగ్ బాస్ ద్వారా మంచి గుర్తింపు పొందిన నిఖిల్ ప్రధాన పాత్రలో రూపొందిన వెబ్ సిరీస్ విక్రమ్ ఆన్ డ్యూటీ. ఇన్వెస్టిగేటివ్ థ్రిల్లర్ జానర్ లో రూపొందిన ఈ సిరీస్ కు వేదవ్యాస్ దర్శకత్వం వహించారు. ప్రస్తుతం జియో హాట్ స్టార్ లో ఈ సిరీస్ నుంచి 8 ఎపిసోడ్స్ అందుబాటులోకి వచ్చాయి. ప్రతి శుక్రవారం కొత్త ఎపిసోడ్స్ విడుదల అవుతున్నాయి.
ఈ కథలో విక్రమ్ అనే పోలీస్ ఆఫీసర్ పాత్రలో నిఖిల్ కనిపిస్తాడు. ఒక కారణం వల్ల సస్పెన్షన్ లో ఉన్న అతనికి కమిషనర్ నుంచి ఒక ముఖ్యమైన కేసు వస్తుంది. కేసారం గ్రామంలో శిరీష అనే యువతి హత్య కేసును విచారణ చేయాల్సిన బాధ్యత అతనిపై పడుతుంది. దాంతో విక్రమ్ తన టీమ్ తో కలిసి ఈ కేసు విచారణలోకి దిగుతాడు.
కథలో ఒకవైపు విక్రమ్ గతం గురించి సస్పెన్స్ కొనసాగుతుండగా మరోవైపు శిరీష హత్య కేసు చుట్టూ కథ తిరుగుతుంది. ఈ కేసులో అశోక్, శివకుమార్ అనే వ్యక్తుల పేర్లు బయటకు రావడం కథలో ఆసక్తిని పెంచుతుంది.
దర్శకుడు కథను ఇన్వెస్టిగేషన్ నేపథ్యంలో ముందుకు తీసుకెళ్లినా కొన్ని చోట్ల కథనం రొటీన్ గా అనిపిస్తుంది. అలాగే హంట్ టీమ్ సభ్యుల ఎంపిక కూడా అంతగా ఆకట్టుకోదనే భావన కలుగుతుంది.
Read also: Men Health: పురుషుల్లో పెరుగుతున్న జుట్టు రాలడం: కారణం మీ జీర్ణ వ్యవస్థేనా?
నిఖిల్ పోలీస్ ఆఫీసర్ పాత్రకు సరిపోయినా బాడీ లాంగ్వేజ్ విషయంలో మరింత శ్రద్ధ అవసరమనే భావన కలుగుతుంది. నరసింహా కట్టా సినిమాటోగ్రఫీ, సుహాస్ అందించిన బ్యాక్ గ్రౌండ్ మ్యూజిక్ ఫరవాలేదనిపిస్తాయి. ఎడిటింగ్ కూడా సాధారణంగానే ఉంది.
మొత్తంగా చూస్తే ఇప్పటివరకు విడుదలైన 8 ఎపిసోడ్స్ కథను నెమ్మదిగా ముందుకు తీసుకెళ్తాయి. అయితే హీరో ఫ్లాష్ బ్యాక్ మరియు కేసులో వచ్చే మలుపులు రానున్న ఎపిసోడ్స్ లో ఆసక్తిని పెంచే అవకాశముంది.
మూవీ వివరాలు
Movie Name: Vikram on Duty
Release Date: March 6, 2026
Cast: Nikhil Maliyakkal, Ashu Reddy, Sameer, Gayathri Chaganti, Raghu, Arya
Director: Vedavyas
Music: Suhas
Banner: Gnapika Productions
Rating: 2.25 / 5
Read hindi news: hindi.vaartha.com
Epaper: epaper.vaartha.com
Read Also: