తమిళ స్టార్ హీరో విజయ్ (Vijay) నటిస్తున్న చివరి చిత్రం ‘జన నాయగన్’ విడుదల అనూహ్యంగా వాయిదా పడటంతో కోలీవుడ్లో చర్చనీయాంశంగా మారింది. సెన్సార్ బోర్డు నుంచి ఇంకా పూర్తి స్థాయిలో క్లియరెన్స్ రాకపోవడంతో, జనవరి 9న జరగాల్సిన సినిమా విడుదల నిలిచిపోయింది. ఈ పరిణామం విజయ్ అభిమానుల్లో కొంత నిరాశను కలిగించినప్పటికీ, అదే సమయంలో ఆయనకు మద్దతుగా పలువురు తమిళ సినీ ప్రముఖులు ముందుకొస్తుండటం విశేషంగా మారింది.
Read also: The RajaSaab box office : ది రాజాసాబ్ బాక్సాఫీస్ డే 1 అంచనా, ప్రభాస్ ఓపెనింగ్ ఎలా ఉండబోతోంది?
తాజాగా నటుడు జై, విజయ్ (Vijay)కు మద్దతు తెలుపుతూ ఆసక్తికర ట్వీట్ చేశారు. “‘జన నాయగన్’ విడుదలయ్యే రోజే మాకు పొంగల్ పండుగ. ఆ రోజు కోసం ఒక అభిమానిగా, తమ్ముడిగా ఎదురుచూస్తున్నా. మిమ్మల్ని ఆపడానికి ఎన్నో అడ్డంకులు వస్తుంటాయి, కానీ వాటిని దాటుకుని రావడం మీకు కొత్తేమీ కాదు,
అది మీ నైజం” అంటూ జై తన పోస్టులో పేర్కొన్నారు.బుధవారం రాత్రి ‘జన నాయగన్’ చిత్ర నిర్మాణ సంస్థ కేవీఎన్ ప్రొడక్షన్స్ ఈ వాయిదా నిర్ణయాన్ని అధికారికంగా ప్రకటించింది. “నియంత్రణలో లేని కొన్ని అనివార్య కారణాల వల్ల సినిమా విడుదలను వాయిదా వేస్తున్నాం. వీలైనంత త్వరగా కొత్త విడుదల తేదీని ప్రకటిస్తాం” అని నిర్మాణ సంస్థ తమ ప్రకటనలో పేర్కొంది.
Read hindi news:hindi.vaartha.com
Epaper: epaper.vaartha.com
Read also: