కోలీవుడ్ స్టార్ హీరో విజయ్ (Vijay) తన రాజకీయ ప్రయాణం ప్రారంభానికి సంబంధించిన ఊహాగానాలకు తాజాగా మరింత బలం చేకూరింది. ప్రస్తుతం విజయ్ నటిస్తున్న పొలిటికల్ యాక్షన్ థ్రిల్లర్ ‘జన నాయగన్’ (Jana Nayagan) చిత్రమే ఆయనకు చివరి సినిమా అవుతుందా? అనే ప్రశ్న సినీ వర్గాల్లో, అభిమానుల్లో చర్చనీయాంశంగా మారింది. ఈ సందేహానికి మరింత ఊతమిచ్చేలా హీరోయిన్ మమితా బైజు చేసిన వ్యాఖ్యలు ఇప్పుడు వైరల్ అవుతున్నాయి. షూటింగ్ సమయంలో విజయ్ను ఎదురుగా అడిగినప్పుడు — ‘‘ఇది మీ చివరి సినిమానా?’’ అనే ప్రశ్నకు విజయ్ (Vijay) తేల్చిచెప్పకుండా, ‘‘ఇప్పుడు చెప్పలేను. నా నిర్ణయం 2026 ఎన్నికల ఫలితాలపై ఆధారపడి ఉంటుంది’’ అని సమాధానమిచ్చారని మమిత తెలిపారు.
ఇది విజయ్ (Vijay) పూర్తిస్థాయిలో రాజకీయాల్లోకి ఎంట్రీ ఇస్తారనే సంకేతంగా భావిస్తున్నారు. విజయ్ సినిమాల్లో ‘మాస్ హీరో’గా మాత్రమే కాక, సామాజిక అంశాలపై స్పష్టమైన అభిప్రాయాలు ఉన్న వ్యక్తిగా పలుమార్లు కనిపించారు. ఇప్పటివరకు తన రాజకీయ ప్రయాణంపై అధికారిక ప్రకటన చేయకపోయినా, ఎన్నికల సమయంలో ఎన్నికల బాధ్యతల్లో పాల్గొనడం, తన అభిమాన సంఘాల ద్వారా సేవా కార్యక్రమాలు నిర్వహించడం వంటి చర్యలతో ఆయన రాజకీయ రంగప్రవేశం ఖాయం అనే ముద్ర పుట్టింది.
యూనిట్ అంతా భావోద్వేగానికి లోనైందని మమితా వెల్లడి
‘జన నాయగన్’ షూటింగ్కు సంబంధించిన అనుభవాలను గుర్తుచేసుకుంటూ మమితా బైజు చెప్పిన విషయాలు కూడా అభిమానులను భావోద్వేగానికి గురిచేశాయి. ‘‘చివరి రోజు షూటింగ్ పూర్తయ్యాక యూనిట్ మొత్తంగా భావోద్వేగానికి లోనయ్యాం. విజయ్ సార్ కూడా చాలా ఎమోషనల్ అయ్యారు. అందుకే అప్పుడు ఆయన ఫోటోలకూ సిద్ధపడలేదు’’ అని చెప్పిన మమిత, ఈ సినిమా ఆయన కెరీర్లో ఎంతో ప్రత్యేకమైనదిగా కనిపిస్తోందని తెలియజేశారు. అయితే సినిమాకు సంబంధించి తన పాత్ర గురించి చెప్పేందుకు మాత్రం ఆమె నిరాకరించారు. ‘‘తెరపై చూసి ఆస్వాదించండి’’ అంటూ అభిమానుల్లో ఆసక్తి రేపారు.
పొలిటికల్ థ్రిల్లర్గా ‘జన నాయగన్’
హెచ్. వినోద్ దర్శకత్వంలో రూపుదిద్దుకుంటున్న ఈ సినిమా పొలిటికల్ డ్రామా తరహాలో ఉండబోతుందని తెలుస్తోంది. విజయ్ సరసన పూజా హెగ్డే కథానాయికగా నటిస్తున్నారు. జనవరి 9, 2026న ఈ చిత్రం విడుదల కానుంది. ఇదిలా ఉండగా, విజయ్ పుట్టినరోజు సందర్భంగా విడుదల చేసిన “ది ఫస్ట్ రోర్” వీడియో సోషల్ మీడియాలో ట్రెండింగ్గా మారింది. ఇందులో పవర్ఫుల్ పోలీస్ లుక్లో విజయ్ ఆకట్టుకున్నారు.
ఇక, ఈ వ్యాఖ్యల నేపథ్యంలో అభిమానుల ఆశక్తి మరింత పెరిగింది. విజయ్ రాజకీయాల్లోకి వస్తే, తమిళనాట రాజకీయ సమీకరణాల్లో మార్పులు తప్పవని విశ్లేషకులు అభిప్రాయపడుతున్నారు. అయినా కూడా, ఆయన సినిమాలకు పూర్తిగా గుడ్బై చెబుతారా లేక రెండింటినీ సమతుల్యంగా నడిపిస్తారా అన్నది మాత్రం ఇంకా స్పష్టతలేని ప్రశ్నగానే మిగిలింది.
Read also: Anupama Parameswaran: అనుపమ, సురేశ్ గోపి సినిమాకు సెన్సార్ బోర్డు నిరాకరణ