Ustaad Bhagat Singh: పవర్ స్టార్ పవన్ కళ్యాణ్, మాస్ డైరెక్టర్ హరీష్ శంకర్ కాంబినేషన్లో వచ్చిన క్రేజీ ప్రాజెక్ట్ ‘ఉస్తాద్ భగత్ సింగ్’ బాక్సాఫీస్ వద్ద రికార్డుల వేట మొదలుపెట్టింది. ఉగాది కానుకగా మార్చి 19న విడుదలైన ఈ చిత్రం, మొదటి షో నుంచే పాజిటివ్ టాక్తో దూసుకుపోతోంది. పవన్ మార్క్ మేనరిజమ్స్, పవర్ఫుల్ డైలాగ్స్, హరీష్ శంకర్ టేకింగ్ ప్రేక్షకులను థియేటర్లలో ఉర్రూతలూగిస్తున్నాయి.
Read Also: Eid Mubarak: అభిమానులకు ఈద్ విషెస్ తెలిపిన సినీ ప్రముఖులు
Ustaad Bhagat Singh: మెగాస్టార్ చిరంజీవి స్పెషల్ స్క్రీనింగ్
సినిమా ఘనవిజయం సాధించిన నేపథ్యంలో, మెగా ఫ్యామిలీ మెంబర్స్ అందరూ కలిసి ఈ చిత్రాన్ని ప్రత్యేకంగా వీక్షించారు. మెగాస్టార్ చిరంజీవి తన సతీమణి సురేఖ గారితో కలిసి ఈ స్పెషల్ స్క్రీనింగ్కు హాజరయ్యారు. సినిమా చూసిన అనంతరం చిరు, పవన్ కళ్యాణ్ నటనపై, దర్శకుడు హరీష్ శంకర్ పనితీరుపై ప్రశంసలు కురిపించినట్లు తెలుస్తోంది.
ఈ ప్రత్యేక ప్రదర్శనలో హీరోయిన్ శ్రీలీల, దర్శకుడు అనిల్ రావిపూడి, అలాగే నిర్మాణ సంస్థ మైత్రీ మూవీ మేకర్స్కు చెందిన నవీన్ యెర్నేని, రవిశంకర్ యలమంచిలి కూడా హాజరయ్యారు. ముఖ్యంగా మెగా బ్రదర్స్ ఇద్దరూ ఒకే చోట కలిసి సినిమా చూడడం అభిమానులకు కన్నుల పండుగగా మారింది. ఈ స్పెషల్ షోకు సంబంధించిన వీడియోను చిత్ర నిర్మాణ సంస్థ సోషల్ మీడియాలో విడుదల చేయగా, అది క్షణాల్లోనే వైరల్ అయింది. అభిమానులు భారీగా షేర్ చేస్తూ తమ ఆనందాన్ని వ్యక్తం చేస్తున్నారు. పవన్ కళ్యాణ్ స్క్రీన్ ప్రెజెన్స్, మాస్ డైలాగ్స్ థియేటర్లలో ఈలలు వేయించేలా చేస్తున్నాయి.
Read hindi news: hindi.vaartha.com
Epaper: epaper.vaartha.com
Read Also:
