పవర్ స్టార్ పవన్ కళ్యాణ్ మరియు మాస్ డైరెక్టర్ హరీష్ శంకర్ కాంబినేషన్లో వస్తున్న క్రేజీ ప్రాజెక్ట్ ‘ఉస్తాద్ భగత్ సింగ్’(Ustaad Bhagat Singh) విడుదల దిశగా అడుగులు వేస్తోంది. తాజాగా ఈ సినిమా డబ్బింగ్ పనులను పవన్ కళ్యాణ్ ప్రారంభించారు. దీనికి సంబంధించి దర్శకుడు హరీష్ శంకర్, సంగీత దర్శకుడు థమన్తో కలిసి పవన్ కళ్యాణ్ ఉన్న ఫోటో సోషల్ మీడియాలో విపరీతంగా వైరల్ అవుతోంది.
Read Also: Gaddar Awards: విజేతలందరికీ హృదయపూర్వక అభినందనలు: నాగార్జున
మాస్ ఎంటర్టైనర్గా ‘ఉస్తాద్’
రాజకీయ పనులతో తీరిక లేకుండా ఉన్నప్పటికీ, పవన్ కళ్యాణ్ తన సినిమాల కోసం సమయాన్ని కేటాయిస్తూ పనులను వేగవంతం చేస్తున్నారు. పూర్తి స్థాయి కమర్షియల్ హంగులతో మాస్ ఎంటర్టైనర్గా ఈ చిత్రాన్ని హరీష్ శంకర్ తీర్చిదిద్దుతున్నారు. ఈ సినిమాలో పవన్ సరసన శ్రీలీల, రాశీ ఖన్నా హీరోయిన్లుగా నటిస్తున్నారు.
ఉగాది కానుకగా విడుదల
అభిమానులు ఎప్పుడెప్పుడా అని ఎదురుచూస్తున్న ఈ చిత్రం మార్చి 19న ఉగాది పండుగ కానుకగా ప్రపంచవ్యాప్తంగా థియేటర్లలో సందడి చేయనుంది. పవన్ కళ్యాణ్ డబ్బింగ్ పనుల్లో బిజీగా ఉండటంతో సినిమా ప్రమోషన్స్ కూడా ఊపందుకున్నాయి. గబ్బర్ సింగ్ తర్వాత మళ్ళీ ఆ స్థాయిలో పవన్ కళ్యాణ్ విన్యాసాలు ఉండబోతున్నాయని చిత్ర యూనిట్ ధీమా వ్యక్తం చేస్తోంది.
Read hindi news: hindi.vaartha.com
Epaper: epaper.vaartha.com
Read Also: