సినీ ఇండస్ట్రీలో కొత్త హీరోయిన్స్ క్రేజ్: ఆరాధ్యదేవి రైజ్
సినీ ఇండస్ట్రీలో కొత్త నటీమణులకు కొదవే లేదు. ప్రతి కొద్ది కాలానికి ఒక కొత్త అందం తెరపై ప్రత్యక్షమవుతుంది. ఇప్పటికే పలు ఇతర భాషల నుండి వచ్చిన నటీమణులు తెలుగులో సత్తా చాటుతూ, పెద్ద సంఖ్యలో అభిమానులను సంపాదించుకుంటున్నారు. ఈ క్రమంలో మరో ముద్దుగుమ్మ, తన అందంతో కుర్రకారును కట్టిపడేస్తుంది. ఆమె తొలి సినిమా విడుదల కాకముందే మంచి ఫాలోయింగ్ సంపాదించుకుంది. ఆమె ఎవరో తెలుసా?
ఆమె పేరు ఆరాధ్యదేవి. అసలు పేరు శ్రీలక్ష్మీ సతీష్. 23 ఏళ్ల ఈ అందాల భామకు అప్పుడే అభిమానుల నుండి మంచి స్పందన వచ్చింది. పలు ఛాయచిత్రాలు, పోస్టర్లు సోషల్ మీడియాలో విస్తరించడంతో ఆమెపై ఆసక్తి పెరిగింది.
ఆరాధ్యదేవి – వర్మ బాణం
సంచలన దర్శకుడు రామ్ గోపాల్ వర్మ ఈ యువతిని గుర్తించి ఆమెకు హీరోయిన్ అవకాశం ఇచ్చారు. వర్మ, సోషల్ మీడియాలో ఆమె చేసే రీల్స్ చూసి ఫిదా అయి, తన కొత్త ప్రాజెక్ట్ “పేటి శారీ”లో హీరోయిన్గా ఎంపిక చేశాడు. ఈ సినిమాలో వర్మ తనదైన శైలిలో ఆరాధ్యదేవిని అందంగా, గ్లామర్గా చూపించనున్నాడు. ఇప్పటికే విడుదలైన పోస్టర్లు, సాంగ్స్ ఆమె అందాన్ని మరో రేంజ్ లో చూపించాయి.
ఆరాధ్య తన గ్లామర్ పాత్రల విషయంలో ప్రత్యేక అభిప్రాయాలను పంచుకుంది. “గ్లామర్ అనేది వ్యక్తిగత అంశం. నా వృత్తి పరంగా నేను గ్లామర్ పాత్రలు చేయడానికీ, ఏ పాత్రకైనా సిద్ధంగా ఉన్నా” అని ఆమె తెలిపింది. మొదటి సినిమా విడుదల కాకముందే ఈ స్థాయిలో క్రేజ్ రావడం అరుదు.
ఆరాధ్యదేవి ఫ్యాషన్
ఆరాధ్య మొదట రీల్స్లో చీరకట్టులో ఎంతో పద్దతిగా కనిపించింది. అయితే, రామ్ గోపాల్ వర్మ దర్శకత్వంలో రాకతో ఆమె పూర్తిగా గ్లామర్ పాత్రలలోకి మారింది. తాజాగా విడుదలైన పోస్టర్లు, పాటల్లో ఆమె తన గ్లామర్ లుక్తో ప్రేక్షకులను ఆకర్షిస్తోంది.
ఆరాధ్య ఇప్పటివరకు సోషల్ మీడియాలో చేసిన రీల్స్తోనే ఫేమస్ అయింది. తన తొలి సినిమా ఇంకా రిలీజ్ కాకుండానే మంచి గుర్తింపు తెచ్చుకున్న ఈ అందాల భామ, భవిష్యత్తులో మరిన్ని ఛాన్స్లు పొందే అవకాశముంది. రామ్ గోపాల్ వర్మ దర్శకత్వంలో తీస్తున్న “పేటి శారీ” విడుదలకు ముందే సోషల్ మీడియాలో చర్చనీయాంశంగా మారింది.