2024 సంవత్సరం ముగింపుకు రెండు రోజుల సమయం మాత్రమే ఉంది, మరియు ప్రపంచం మొత్తం నూతన సంవత్సర వేడుకలకు సిద్ధమైంది. దేశవ్యాప్తంగా కూడా నగర వీధులు అందంగా అలంకరించబడ్డాయి.ఈ సంవత్సరం అనేక డైరెక్టర్లకు సక్సెస్ ఫుల్ ఇయర్గా నిలిచింది.2024లో బాక్సాఫీస్ వద్ద ఎన్నో సినిమాలు సూపర్ హిట్ అయ్యాయి. అంచనాలు లేకుండా విడుదలైన చిన్న సినిమాలు కూడా బ్లాక్బస్టర్ విజయాన్ని సాధించాయి.అంతేకాక, కొత్త దర్శకులకు కూడా ఈ సంవత్సరం చాలా బాగా కలిసి వచ్చింది.భారీ బడ్జెట్ సినిమాలు మంచి వసూళ్లు సాధించాయి. సుకుమార్ ఈ ఏడాది చివర్లో బ్లాక్బస్టర్ హిట్ అందుకున్నారు.ఆయన దర్శకత్వం వహించిన పుష్ప 2 2024 డిసెంబర్ 5న విడుదలైన తర్వాత దాదాపు ₹1700 కోట్ల వసూళ్లు సాధించి సత్తా చాటింది. ఈ చిత్రంలో అల్లు అర్జున్, రష్మిక మందన్నా జంటగా నటించారు. అంతకంటే ముందు, డైరెక్టర్ నాగ్ అశ్విన్ కల్కి 2898 ఏ.డి.
సినిమా ద్వారా రికార్డులు సృష్టించారు. యంగ్ రెబల్ స్టార్ ప్రభాస్, అమితాబ్ బచ్చన్, కమల్ హాసన్ ప్రధాన పాత్రలు పోషించిన ఈ సైన్స్ ఫిక్షన్ సినిమా పాన్ ఇండియా బాక్సాఫీస్ వద్ద సూపర్ హిట్ అయింది. ప్రశాంత్ వర్మ, ఈ ఏడాది ప్రారంభంలో హనుమాన్ సినిమాతో సూపర్ హిట్ అందుకున్నారు.యంగ్ హీరో తేజ సజ్జా ప్రధాన పాత్రలో నటించిన ఈ సినిమా సంక్రాంతి బరిలో నిలిచింది మరియు ₹300 కోట్లు వసూలు చేసింది. వంకీ అట్లూరి లక్కీ భాస్కర్ సినిమాతో మరొక విజయాన్ని సాధించారు.మలయాళీ హీరో దుల్కర్ సల్మాన్ ప్రధాన పాత్రలో నటించిన ఈ సినిమా ₹100 కోట్లు రాబట్టింది. ఈ సినిమాకు మంచి ప్రశంసలు లభించాయి, ముఖ్యంగా వెంకీ అట్లూరి దర్శకత్వానికి.యంగ్ హీరో కిరణ్ అబ్బవరం క సినిమాతో బాగా ఆకట్టుకున్నాడు. ఈ సినిమాకు సుజిత్, సందీప్ దర్శకత్వం వహించారు. మొదటి సినిమాతోనే ఈ ఇద్దరూ విజయాన్ని సాధించారు.