నేచురల్ స్టార్ నాని (Nani) ప్రధాన పాత్రలో నటిస్తున్న తాజా చిత్రం ది ప్యారడైజ్ (The Paradise) సినిమాపై ప్రేక్షకులు ఇప్పటికే ఆసక్తి చూపిస్తున్నారు. దసరా సినిమాతో బ్లాక్బస్టర్ హిట్ అందించిన శ్రీకాంత్ ఓదెల (Srikanth Odela) ఈ సినిమాకు దర్శకత్వం వహిస్తున్నారు.
గ్లోబల్ ఆడియన్స్ ను టార్గెట్ పెట్టుకొని, అత్యున్నత స్థాయిలో ఈ సినిమాని రూపొందిస్తున్నారు. దానికి తగ్గట్టుగానే స్టార్ కాస్టింగ్, టాప్ టెక్నిషియన్స్ ఈ ప్రాజెక్ట్ లో భాగం అవుతున్నారు. సినిమాలో విలన్ ఎవరనేది మేకర్స్ తాజాగా ప్రకటించారు.
Thamma Movie: థామా ట్రైలర్ లో హైలైట్స్
ది పారడైజ్ మూవీ (The Paradise Movie) లో సీనియర్ నటుడు మంచు మోహన్ బాబు కీలక పాత్ర పోషిస్తున్నారని చాలా రోజులుగా వార్తలు వస్తున్నాయి. ఇటీవల మంచు లక్ష్మి ఈ విషయాన్ని కన్ఫార్మ్ చేసింది. ఈ క్రమంలో శనివారం ఉదయం మోహన్ బాబు ఈ సినిమాలో నటిస్తున్నారని చిత్ర బృందం అధికారికంగా ప్రకటించింది.
శికంజా మాలిక్ అనే పాత్రలో లెజెండరీ మోహన్ బాబు (Mohan Babu) నటిస్తున్నట్లు మేకర్స్ తెలిపారు. సోషల్ మీడియా వేదికగా ఫస్ట్ లుక్ ను కూడా రిలీజ్ చేశారు.ఫస్ట్ లుక్ లో మోహన్ బాబు షర్ట్ లేకుండా చైర్ మీద కూర్చొని స్టైల్ గా సిగారెట్ (Cigarette) తాగుతూ రగ్గడ్ లుక్లో కనిపించారు. బ్యాగ్రౌండ్ లో తుపాకులు, చేతి కింద పెద్ద కత్తి, చేతులకు అంటిన రక్తం మరకలు చూస్తుంటే.. సినిమాలో ఆయన పాత్ర ఎలా ఉంటుందనేది ఓ ఐడియా వస్తుంది.
కొన్ని నిజమైన సంఘటనల ఆధారంగా
నానిని జడల్ అనే పాత్రలో ఇతకముందెన్నడూ చూడని విధంగా ప్రజెంట్ చేసిన శ్రీకాంత్ ఓదెల.. మోహన్ బాబుని కూడా అలానే చూపించారు.ఈ చిత్రం తెలుగుతో పాటు హిందీ, తమిళ, కన్నడ, మలయాళం, బెంగాలీ, ఇంగ్లీష్, స్పానిష్ భాషల్లో వచ్చే ఏడాది (2026) మార్చి 26న ప్రపంచవ్యాప్తంగా విడుదల కానుంది.
ఈ చిత్రం 1980ల కాలంలో హైదరాబాద్లో జరిగిన కొన్ని నిజమైన సంఘటనల ఆధారంగా తెరకెక్కుతున్నట్లు సమాచారం. ఇది ఒక యాక్షన్ థ్రిల్లర్ కథాంశంతో రూపొందుతోంది.
Read hindi news: hindi.vaartha.com
Read Also: