సన్యా మల్హోత్రా నటించిన చిత్రం ‘మిస్సెస్’.జి 5 లో విడుదలైన ఈ మూవీ పైన సేవ్ ఇండియన్ ఫ్యామిలీ ఫౌండేషన్ అనే ఒక పురుష హక్కుల సంస్థ ఆగ్రహం వ్యక్తం చేసింది. మూవీ ని విమర్శిస్తూ ఎక్స్ వేదికగా పోస్ట్ పెట్టింది. మూవీ మితిమీరిన స్త్రీ వాదాన్ని ప్రోత్సహిస్తోందని తెలిపింది. ఒక మహిళ తన ఇంట్లో పనులు చక్కబెట్టి,కుటుంబసభ్యుల అవసరాల తీరిస్తే అదెలా అణచివేత అవుతుందని ప్రశ్నించింది . వంట చేయడం లో ఒత్తిడి ఎం ఉంటుందని .అదొక రకమైన ప్రశాంతతను అందిస్తుందని తెలిపింది.కుటుంబం కోసం పురుషులు ఎంతో శ్రమిస్తుంటారని , పని ప్రదేశాల్లో ఒత్తిడి కి లోనవుతారని పేర్కొంది.ఈ పోస్ట్ పై కొంతమంది నెటిజన్లు ఆగ్రహం వ్యక్తం చేశారు. ‘నిజాన్ని జీర్ణించుకోండి ‘ అని కామెంట్స్ పెడుతున్నారు. “ఇంటి పనులు చేస్తూనే మహిళల వృత్తి బాధ్యతలు కూడా నిర్వర్తిస్తున్నారు. బయట ఎన్ని పనులు చేసిన ఇంటికి వచ్చాక కుటుంబసభ్యుల అవసరాలు తీరుస్తున్నారు. పురుషులు అలా కాదు. ఇంటి పనుల్లో సహాయం చేయరు కానీ ,ఇష్టమైన ఫుడ్ కోసం డిమాండ్ చేస్తారు”. అని కొంతమంది కామెంట్స్ పెడుతున్నారు.2021లో విడుదలైన మలయాళీ మూవీ ‘ది గ్రేట్ ఇండియన్ కిచెన్ ‘కు రీమేక్ గా ‘మిస్సెస్’ మూవీ తెరక్కెకింది. పెళ్లి తర్వాత కొంతమంది అమ్మాయిలకు ఎదురయ్యే ఇబ్బందుల గురించి ఇందులో చూపించారు. ఆరతి కడవ్ ద్దెనికి దర్శకత్వం వహించారు.
సమాజంలో ఇంటి పనుల విలువ
ఈ వివాదం నేటి సమాజంలో ఇంటి పనుల విలువ, కుటుంబంలో మహిళల పాత్ర గురించి మరింత చర్చకు దారి తీసింది. పురుష హక్కుల సంఘాలు మరో వైపు, కుటుంబ పోషణలో పురుషులు పడే ఒత్తిడిని పట్టించుకోవాలని వాదిస్తున్నాయి. మహిళల హక్కుల కోసం జరుగుతున్న పోరాటం పురుషులను కించపరిచేవిధంగా మారకూడదనే వాదన వినిపిస్తోంది.
ప్రశంసలు
‘మిస్సెస్’ చిత్రం 2023లో ఇండియన్ ఫిల్మ్ ఫెస్టివల్ ఆఫ్ మెల్బోర్న్లో ప్రదర్శించబడింది. అక్కడ సినిమా విమర్శకుల ప్రశంసలు పొందింది. గృహిణిగా బాధపడుతున్న పాత్రను సన్యా మల్హోత్రా జీవించిపోయిందని, ఆమె నటన గొప్ప గా నిలిచిందని సినీ పరిశ్రమ నుంచి ప్రశంసలు వచ్చాయి.’మిస్సెస్’ సినిమా ఎవరికి ఏ విధంగా అనిపించినా, అది కుటుంబ వ్యవస్థలో మహిళలు, పురుషులు ఎదుర్కొంటున్న అంశాలపై విస్తృత చర్చను తెరమీదకు తీసుకొచ్చిందన్నది వాస్తవం. ఇంటి పనులను లైట్ తీసుకోవడం, లేదా మహిళల బాధను తప్పుగా అర్థం చేసుకోవడం కాకుండా, కుటుంబంలో ప్రతి ఒక్కరూ బాధ్యతలను సమానంగా పంచుకోవాలనే సందేశం అందరికీ అవసరం.