The Conjuring: Last Rites: భయంతో వణికించిన ది కంజురింగ్: లాస్ట్ రైట్స్ ట్రైలర్

ది కంజురింగ్: లాస్ట్ రైట్స్

The Conjuring: Last Rites: హాలీవుడ్ హారర్ సినిమాలను ఇష్టపడేవారికి ఒక శుభవార్త. గత రెండు దశాబ్దాలుగా ఎనిమిది భాగాలతో ప్రేక్షకులను అలరించిన ది కంజురింగ్ సిరీస్‌లో చివరి చిత్రంగా ది కంజురింగ్: లాస్ట్ రైట్స్ (The Conjuring: Last Rites) సినిమా సిద్ధమైంది. ఈ సినిమా సెప్టెంబర్ 5న ప్రపంచవ్యాప్తంగా థియేటర్లలో విడుదల కానుంది. ఇప్పటికే విడుదలైన టీజర్ ఈ సినిమాపై అంచనాలను పెంచింది. ఈ నేపథ్యంలో, తాజాగా ఈ మూవీ తెలుగు ట్రైలర్‌ను కూడా విడుదల చేశారు.

సినిమా విశేషాలు

2021లో వచ్చిన ది కంజురింగ్: ది డెవిల్ మేడ్ మీ డూ ఇట్ చిత్రానికి ఇది సీక్వెల్. ఈ సిరీస్‌లో ఇది తొమ్మిదో సినిమా. వాస్తవ సంఘటనల ఆధారంగా ఈ సినిమా రూపొందింది. మైఖేల్ చావ్స్ ఈ చిత్రానికి దర్శకత్వం వహించారు. వెరా ఫార్మిగా, పాట్రిక్ విల్సన్, మియా టాంలిన్సన్, బెన్ హార్డీ (Ben Hardy) ప్రధాన పాత్రల్లో నటించారు.

ట్రైలర్ హైలైట్స్

ట్రైలర్‌ను చూస్తే, ఈ సినిమా పాత చిత్రాల కంటే మరింత భయానకంగా ఉంటుందని అర్థమవుతోంది. చాలా సంవత్సరాలుగా కనిపించని దెయ్యం (devil) తిరిగి వచ్చి, ఎడ్ అండ్ లోరెన్ జంటను వేధించడం, చివరికి వారి ప్రాణాల మీదకు వచ్చే సన్నివేశాలు ప్రేక్షకులను సీట్ ఎడ్జ్‌లో కూర్చోబెట్టేలా ఉన్నాయి. హారర్ ఎలిమెంట్స్ కూడా చాలా ఉన్నత స్థాయిలో ఉన్నాయని ట్రైలర్ చూస్తే తెలుస్తోంది.

‘ది కంజురింగ్: లాస్ట్ రైట్స్’ నిజమేనా?

‘ది కంజురింగ్: లాస్ట్ రైట్స్’ నిజమైన కథ ఆధారంగా ఉందా? అవును, కొత్త సినిమా నిజమైన కథ ఆధారంగా రూపొందించబడింది. ప్రతి సినిమా ఎడ్ మరియు లోరైన్ వారెన్ దర్యాప్తు చేసిన వేర్వేరు కేసులను అన్వేషిస్తుంది కాబట్టి, ఇది వేరే విధంగా వెంటాడుతుంది.

Read hindi news: hindi.vaartha.com

Read also: