కన్నడ సినిమా పరిశ్రమకు ఇతర భాషల నుంచి తగినంత మద్దతు లభించడం లేదంటూ ప్రముఖ హీరో కిచ్చా సుదీప్ (Sudeep) ఆవేదన వ్యక్తం చేశారు. తాజాగా ‘మార్క్’ సినిమా ప్రమోషన్లలో పాల్గొన్న ఆయన, ఈ అంశంపై మాట్లాడారు. “నేను వ్యక్తిగతంగా అడిగినా కూడా, ఇతర భాషల స్టార్ హీరోలు మా సినిమాల్లో చిన్న పాత్రలు చేయడానికి కూడా ముందుకు రావడం లేదు” అని సుదీప్ (Sudeep) పేర్కొన్నారు. ఇది పరిశ్రమల మధ్య ఉండాల్సిన సహాయ సహకారాల లోపాన్ని సూచిస్తోందని ఆయన అభిప్రాయపడ్డారు.
Read Also: TG: బతుకమ్మ యంగ్ ఫిలిం మేకర్స్ చాలెంజ్అవార్డుల ప్రదానోత్సవం
విజయ్ కోసం ‘పులి’ సినిమాలో చేశా
తాను తెలుగు, తమిళ, హిందీ చిత్రాల్లో ఎన్నోసార్లు అతిథి పాత్రలు చేశానని, కొన్ని సినిమాల్లో అయితే స్నేహం కోసమే పారితోషికం కూడా తీసుకోకుండా నటించానని సుదీప్ వెల్లడించారు. “డబ్బుకంటే నాకు ఫ్రెండ్షిప్ ముఖ్యం. సల్మాన్ ఖాన్ వ్యక్తిగతంగా అడిగినందుకే ‘దబాంగ్ 3’లో నటించాను. విజయ్ కోసం ‘పులి’ సినిమాలో చేశాను. అతనిలోని వినయం, మంచి మనసు నాకు చాలా ఇష్టం” అని సుదీప్ అన్నారు.
శివరాజ్కుమార్ కూడా ఇతర భాషా సినిమాల్లో గెస్ట్ రోల్స్ చేశారని గుర్తు చేశారు. అలాగే ఇండస్ట్రీలో కొందరు స్టార్స్ మాత్రమే కాలాన్ని తట్టుకుని నిలుస్తారని, అమితాబ్ బచ్చన్, కమల్ హాసన్, రజనీకాంత్ లాంటి వారు జీవితాంతం నటిస్తూ అభిమానుల ప్రేమ పొందుతారని వ్యాఖ్యానించారు. మిగతా చాలా మంది స్టార్స్ ఒక దశ తర్వాత కనుమరుగైపోతారని సుదీప్ చేసిన వ్యాఖ్యలు సోషల్ మీడియాలో విస్తృతంగా చర్చకు దారితీశాయి.
Read hindi news: hindi.vaartha.com
Epaper : epaper.vaartha.com
Read Also: