వెండితెరపై ఒక పువ్వుల తోటలా అనిపించేంతగా ఎన్నో అందమైన కథానాయికలు పరిచయమవుతుంటారు. ప్రతి ఒక్కరి అందం వేరు, ప్రత్యేకత వేరు. కొందరు తమ విశాల నేత్రాలతో ప్రేక్షకులను మంత్రముగ్ధులను చేస్తే, మరికొందరు సంపెంగ మొగ్గలాంటి నాసికతో ఆకర్షిస్తారు. ఇంకొందరు మధురమైన చిరునవ్వుతో హృదయాలను దోచేస్తే, మరికొందరు తమ అద్భుతమైన చీరకట్టుతో కట్టిపడేస్తారు. ఈ జాబితాలోకి ఇటీవలి కాలంలో వేగంగా చేరిన పేరు శ్రీనిధి శెట్టి.(Srinidhi Shetty)
శ్రీనిధి శెట్టి మొదట మోడలింగ్ రంగంలో తన ప్రతిభను చాటుకుంది. అందం, ఆత్మవిశ్వాసం, ప్రతిభ కలగలిపిన వ్యక్తిత్వం ఆమెకు సినిమాల దారిని తెరిచింది. తన తొలి సినిమా కేజీఎఫ్ ద్వారానే దేశవ్యాప్తంగా గుర్తింపు పొందడం ఆమె అదృష్టం. యష్ సరసన నటించిన ఈ చిత్రం బాక్సాఫీస్ వద్ద రికార్డు స్థాయి వసూళ్లు సాధించింది. ఈ విజయంతోనే ఆమె సినీప్రస్థానం బలమైన పునాది వేసుకుంది. కేజీఎఫ్ తరువాత ఆమెకు ఎన్నో అవకాశాలు వరుసగా వచ్చినా, వాటిలో చాలావరకు తిరస్కరించింది. ఎంపిక చేసే విషయంలో ఆమె చూపిన జాగ్రత్త, తనకంటూ ప్రత్యేకమైన గుర్తింపు తెచ్చిపెట్టింది.
ప్రశంసలు లభించాయి
కన్నడ పరిశ్రమలో స్టార్ హీరోయిన్గా ఎదుగుతున్న సమయంలోనే, ఆమె కోలీవుడ్లో అడుగు పెట్టింది. కోబ్రా సినిమాలో విక్రమ్ (Vikram) సరసన నటించడం ద్వారా తమిళ ప్రేక్షకులకు పరిచయమైంది. ఈ సినిమాలో ఆమె నటనకు మంచి ప్రశంసలు లభించాయి. ఆ తరువాత తెలుగులో అడుగు పెట్టిన ఆమె, హిట్ 3 సినిమాతో బలమైన ఎంట్రీ ఇచ్చింది. నానీ సమర్పణలో వచ్చిన ఈ సినిమా మంచి వసూళ్లను సాధించి, శ్రీనిధికి టాలీవుడ్లో కూడా బలమైన అభిమాన వర్గాన్ని ఏర్పరిచింది.
తెలుగులో ఆమె చేసిన రెండవ చిత్రం తెలుసు కదా. ఈ సినిమాలో సిద్ధూ జొన్నలగడ్డకు జోడీగా నటించింది. నీరజ కోన దర్శకత్వం వహించిన ఈ చిత్రం అక్టోబర్ 17న విడుదల కానుంది. రొమాంటిక్ ఎంటర్టైనర్గా తెరకెక్కిన ఈ సినిమా ద్వారా శ్రీనిధి మరోసారి తన అందం, నటనతో ప్రేక్షకులను మెప్పించనుందనే అంచనాలు ఉన్నాయి.
కొత్త ప్రాజెక్టులో శ్రీనిధి శెట్టి హీరోయిన్గా
ఇక ఇప్పుడు సినీ వర్గాల్లో వినిపిస్తున్న మరో ఆసక్తికరమైన వార్త ఏమిటంటే, వెంకటేశ్ – త్రివిక్రమ్ కాంబినేషన్లో తెరకెక్కనున్న కొత్త ప్రాజెక్టులో శ్రీనిధి శెట్టి హీరోయిన్గా ఎంపికైనట్లు తెలుస్తోంది. ఈ సినిమాలో రెండు కథానాయికలు నటించనున్నారని, అందులో ఒకరుగా శ్రీనిధిని తీసుకున్నారని టాక్ వినిపిస్తోంది. వెంకటేశ్ లాంటి సీనియర్ స్టార్ హీరో సరసన నటించే అవకాశం దక్కడం శ్రీనిధి కెరీర్కు మరొక మైలురాయిగా నిలుస్తుందని అభిమానులు భావిస్తున్నారు.
త్రివిక్రమ్ సినిమాలకు ప్రత్యేకమైన క్రేజ్ ఉండటం, వెంకటేశ్ సరదా టైమింగ్ కలగలిపి ఉండటంతో ఈ ప్రాజెక్టుపై భారీ అంచనాలు ఉన్నాయి. నిజంగా ఈ సినిమాలో శ్రీనిధి శెట్టిని హీరోయిన్గా ఫైనల్ చేస్తే, ఆమె టాలీవుడ్లో తన స్థానం మరింత బలపర్చుకుంటుందని చెప్పవచ్చు. ఇప్పటివరకూ కొద్ది సినిమాలే చేసినా, ప్రతి సినిమాలోనూ మంచి గుర్తింపు తెచ్చుకున్న ఆమె, ఇకపై పెద్ద స్టార్ హీరోల సరసన నటిస్తూ టాప్ లీగ్లో చేరే అవకాశాలు ఎక్కువగా కనిపిస్తున్నాయి.
Read also: hindi.vaartha.com
Read also:
