బాలీవుడ్కు చెందిన మాస్ హీరో, కండల వీరుడు సల్మాన్ ఖాన్ మరోసారి తన వ్యక్తిగత జీవితాన్ని సరదాగా గుర్తు చేసుకున్నారు. తన మాజీ సంబంధాల గురించి పరోక్షంగా ప్రస్తావిస్తూ, తన మీద తానే సెటైర్లు వేసుకుంటూ అందరినీ నవ్వించారు. ఇది ఇటీవల ప్రసారం అయిన బిగ్ బాస్ 19 (Bigg Boss 19)కార్యక్రమంలోని ‘వీకెండ్ కా వార్’ ఎపిసోడ్లో చోటు చేసుకుంది.
సినిమాపై చర్చ మధ్య సల్మాన్ కామెంట్
త్వరలో విడుదలకానున్న “సన్నీ సంస్కారీ కీ తులసి కుమారి” సినిమా ప్రమోషన్ కోసం చిత్రబృందం బిగ్ బాస్ వేదికపై కనిపించింది. ఈ ప్రమోషన్ కార్యక్రమానికి హీరో వరుణ్ ధావన్, హీరోయిన్ జాన్వీ కపూర్, నటులు సన్యా మల్హోత్రా, రోహిత్ షరాఫ్ మరియు మస్తీ మాజ్ ఆఫ్ మనీశ్ పాల్ హాజరయ్యారు. సల్మాన్ ఖాన్(Salman Khan), సినిమాకి సంబంధించిన కథ గురించి వివరాలు అడగడంతో, వరుణ్ ధావన్ స్పందిస్తూ — ఈ కథ మొత్తం సంబంధాల చుట్టూ తిరుగుతుందని చెప్పారు. సినిమాలో తాను ప్రేమలో పడినా, పలు సందర్భాల్లో అమ్మాయిలు వదిలేసి వెళ్లిపోతారని అన్నారు. వెంటనే ఇతర నటీనటులు కూడా తమ పాత్రలు ప్రేమ వైఫల్యాలను ఎదుర్కుంటాయని చమత్కరించారు.
“నా జీవితమే సినిమాగా తీసేశారా?” – సల్మాన్ సరదా ప్రశ్న
వారు చెప్పిన విషయాలు విన్న సల్మాన్ ఖాన్, వెంటనే తన హ్యూమర్ తరహాలో స్పందించారు. ‘‘ఏంటి? మీరందరూ కలసి నా జీవితాన్ని సినిమాగా తీస్తున్నారా?’’ అంటూ హాస్యంగా ప్రశ్నించి అందరినీ నవ్వించారు. ఈ సరదా వ్యాఖ్యతో వేదిక మీద ఒక్కసారిగా ఉత్సాహం నెలకొంది.
ప్రేమలో ఓటములు.. బహిరంగంగా సెటైర్లు వేసిన సల్మాన్
సల్మాన్ ఖాన్ వ్యక్తిగత జీవితం గురించి అభిమానులకు ఎంతగానో తెలుసు. గతంలో ఆయన పేరు ఐశ్వర్యా రాయ్, సోమీ అలీ, కత్రినా కైఫ్, సంగీతా బిజ్లానీ వంటి ప్రముఖ నాయికలతో జతకట్టినా, ఎవరితోనూ సంబంధం పెళ్లివరకు చేరలేదు. ఇదే నేపథ్యంలో తన ప్రేమ జీవితాన్ని చమత్కారంగా ప్రస్తావించడం ఆయన సాధారణ శైలి. ఈసారి కూడా అదే తరహాలో తన బాధలను సరదాగా మలిచారు.
సినిమా కథలో ప్రేమ, డ్రామా, గందరగోళం
‘సన్నీ సంస్కారీ కీ తులసి కుమారి’ సినిమా కథలో వరుణ్ ధావన్ (సన్నీ) తన మాజీ ప్రేయసిని మళ్లీ దక్కించుకోవాలని అనుకుంటాడు. జాన్వీ కపూర్ (తులసి) కూడా తన మాజీ ప్రియుడిని తిరిగి పొందాలనే ఉద్దేశంతో ఉంటుంది. ఇరువురు కలసి తమ మాజీలను ఈర్ష్యపెట్టేందుకు, తాము ప్రేమలో ఉన్నట్టు నటిస్తారు. అయితే, ఈ నాటకపు ప్రేమ అంతా గందరగోళాలకు దారితీస్తుంది.
ఈ సినిమా శశాంక్ ఖైతాన్ దర్శకత్వంలో తెరకెక్కింది. దసరా పండుగ సందర్భంగా అక్టోబర్ 2న థియేటర్లలో విడుదల కానుంది.
Read hindi news: hindi.vaartha.com
Read Also: