నిజంగా తమన్నా లవ్ బ్రేకప్ అయ్యిందా?

మిల్కీ బ్యూటీ తమన్నా భాటియా, బాలీవుడ్ నటుడు విజయ్ వర్మ మధ్య ప్రేమ బంధం గురించి గతంలో పలు వార్తలు వచ్చాయి. 2023లో’లస్ట్‌ స్టోరీస్‌ 2′ అనే వెబ్ సిరీస్ షూటింగ్ సమయంలో వీళ్ల మధ్య ప్రేమ చిగురించింది. ఇందులో తమన్నా విజయ్‌ వర్మ తొలిసారి కలిసి నటించారు. ఇద్దరూ కలిసి పలు కార్యక్రమాల్లో పాల్గొని, జంటగా కనిపించారు. అయితే, తాజా సమాచారం ప్రకారం, ఈ జంట ఇటీవల విడిపోయిందని తెలుస్తోంది.

తమన్నా బ్రేకప్

రెండేళ్లకి పైగా డేటింగ్ చేసిన ఈ జంట తాజాగా బ్రేకప్ చెప్పుకున్నట్లు సమాచారం. త్వరలోనే తమన్నా-విజయ్ వర్మ పెళ్లి పీటలు ఎక్కబోతున్నారంటూ ఇటీవలే వార్తలు వచ్చాయి. కానీ సడెన్‌గా ఇప్పుడు బ్రేకప్ వార్తలు రావడంతో ఫ్యాన్స్ అయోమయంలో ఉన్నారు.

రిలేషన్ షిప్

తమన్నావిజయ్ డేటింగ్ చేశారు. పార్టీల నుంచి వెకేషన్‌ల వరకూ కలిసే వెళ్లారు. పలు ఇంటర్వ్యూల్లో కూడా ఇద్దరూ తమ రిలేషన్ షిప్ గురించి గొప్పగా చెప్పారు. కానీ సడెన్‌గా ఇలా బ్రేకప్ రూమర్స్ వినిపించడం ఫ్యాన్స్‌కి షాకిచ్చింది. అయితే ఇది అబద్ధం అని కొట్టిపారేడానికి కూడా లేదు. ఎందుకంటే కొన్నాళ్లుగా మీడియాకి తమన్నా, విజయ్ సింగిల్‌గానే కనిపిస్తున్నారు. ముఖ్యంగా తమన్నా అయితే పార్టీల నుంచి ఈవెంట్స్ వరకూ విజయ్ లేకుండానే వెళ్లింది. దీంతో బ్రేకప్ వార్తలు నిజమే అని ఫ్యాన్స్ కూడా నమ్మతున్నారు.

సోషల్ మీడియా ట్రెండింగ్‌

సోషల్ మీడియాలో తమన్నా ట్రెండింగ్‌లో ఉంది. కానీ బ్రేకప్ రీజన్ ఏంటి అనేది మాత్రం ఇంకా తెలియలేదు. తెలుగులో ఎన్నో సూపర్ హిట్ సినిమాల్లో నటించిన తమన్నా ఈ మధ్య పూర్తిగా బాలీవుడ్‌పైనే ఫోకస్ పెట్టింది. ఏదో అప్పుడప్పుడూ సౌత్ సినిమాలు చేస్తూ అలానే స్పెషల్ సాంగ్స్ కూడా చేస్తుంది. మరోవైపు విజయ్ వర్మ అటు బాలీవుడ్ ఇటు సౌత్‌లో ఎన్నో చిత్రాల్లో కీలకపాత్రలు చేశాడు.

ఇంటర్వ్యూ

గతంలో తమన్నాతో రిలేషన్ గురించి ఓ ఇంటర్వ్యూలో విజయ్ గొప్పగా చెప్పాడు. తమన్నాతో తన రిలేషన్‌ని రహస్యంగా ఉంచడం తనకి ఏమాత్రం నచ్చలేదని అందుకే పబ్లిక్‌గా అనౌన్స్ చేశామన్నాడు విజయ్ వర్మ.ఏదైనా రిలేషన్‌ని మనం ఎంజాయ్ చేస్తున్నప్పుడు.. వారితో కలసి సమయాన్ని గడపాలనుకున్నప్పుడు.. ఒకరిపై ఒకరికి ప్రేమ ఉన్నప్పుడు దానిని దాచి ఉంచాల్సిన పని లేదు. ఈ విషయంలో తమన్నాది నాది ఒకటే ఆలోచన. ఎందుకంటే రిలేషన్‌షిప్‌ని రహస్యంగా ఉంచడం అంత ఈజీ కాదు. ఎందుకంటే అలా ఉంచితే కలిసి బయటకెళ్లడానికి ఫొటోలు తీసుకోవడానికి కూడా కుదరదు. నాకు అలాంటి హద్దులు నచ్చవు. ముఖ్యంగా ఫీలింగ్స్‌ను బంధించడం నాకు అసలు ఇష్టం ఉండదు.

ఈ లవ్ బ్రేకప్ వార్తలపై ఇటు తమన్నా కానీ అటు విజయ్ కానీ స్పందించలేదు. ఇప్పటికే వారాలు గడిచినా తమ బ్రేకప్ విషయంపై వారు ఎక్కడా మాట్లాడలేదు.వారి సన్నిహిత వర్గాల ప్రకారం, తమన్నా, విజయ్‌లు ప్రేమికులుగా విడిపోయినా, మంచి స్నేహితులుగా కొనసాగాలని నిర్ణయించుకున్నారు.