మెగా పవర్ స్టార్ రామ్ చరణ్ ఇప్పుడు గ్లోబల్ స్టార్గా పేరు సంపాదించుకున్నాడు. ఆర్ ఆర్ ఆర్ చిత్రం తర్వాత చరణ్ క్రేజ్ అంతకంతకూ పెరిగిపోయింది. ఈ పాన్-ఇండియా మూవీ ప్రపంచవ్యాప్తంగా ప్రేక్షకుల హృదయాలను గెలుచుకోవడమే కాకుండా రామ్ చరణ్ను అంతర్జాతీయ స్థాయి నటుడిగా నిలబెట్టింది. ఈ సినిమా తర్వాత చరణ్ పేరు దేశానికి మాత్రమే కాకుండా విదేశాల్లో కూడా మారుమ్రోగింది అతని కెరీర్ ప్రారంభ దశలో రామ్ చరణ్ నటనపై కొన్ని విమర్శలు వచ్చినప్పటికీ తన అంకితభావం కష్టపడి పనిచేయడం వల్ల సినిమా విమర్శకుల ప్రశంసలను అందుకున్నాడు. మెగాస్టార్ చిరంజీవి కుమారుడిగా సినీరంగంలోకి అడుగుపెట్టిన రామ్ చరణ్ చిరుత చిత్రంతో హీరోగా పరిచయం అయ్యాడు. ఆ తర్వాత మగధీర సినిమా ద్వారా సూపర్ హిట్ అందుకున్నాడు. ముఖ్యంగా రంగస్థలం సినిమాతో రామ్ చరణ్ తన నటనలో ఒక మైలురాయి సృష్టించాడు. సుకుమార్ దర్శకత్వంలో వచ్చిన ఈ సినిమా చరణ్కు మాస్ ఇమేజ్ను తెచ్చిపెట్టింది.
ఆర్ ఆర్ ఆర్ చిత్రం ద్వారా ప్రపంచవ్యాప్తంగా గుర్తింపు పొందిన రామ్ చరణ్ ప్రస్తుతం ప్రముఖ దర్శకుడు శంకర్ దర్శకత్వంలో గేమ్ ఛేంజర్ అనే భారీ చిత్రంలో నటిస్తున్నాడు ఈ చిత్ర షూటింగ్ ఇప్పటికే పూర్తి అయి త్వరలోనే ప్రేక్షకుల ముందుకు రాబోతున్నది ఇక రామ్ చరణ్ కెరీర్లో ప్రత్యేకమైన స్థానం సంపాదించిన మరో సినిమా గోవిందుడు అందరివాడేలే . క్రియేటివ్ డైరెక్టర్ కృష్ణవంశీ తెరకెక్కించిన ఈ ఫ్యామిలీ ఎంటర్టైనర్ మంచి హిట్గా నిలిచింది. ముఖ్యంగా కుటుంబ ప్రేక్షకులు ఈ సినిమాకు విశేష స్పందన అందించారు. ఈ చిత్రంలో కాజల్ అగర్వాల్, శ్రీకాంత్, జయసుధ, ప్రకాశ్ రాజ్ తదితరులు కీలక పాత్రల్లో నటించగా రామ్ చరణ్ చెల్లిగా నటించిన అయేషా కాదుస్కర్ కూడా తన నటనతో అందరి దృష్టిని ఆకర్షించింది.
ఇప్పటి వరకు ఈ చిత్రంలో అయేషా కాదుస్కర్ పాత్ర మాత్రమే ప్రేక్షకులకు గుర్తుండిపోతుంది. గోవిందుడు అందరివాడేలే తర్వాత ఆమె తెలుగులో మరో సినిమాలో నటించలేదు. కానీ, బాలీవుడ్లో చిన్న చిన్న పాత్రల్లో నటిస్తూ తన కెరీర్ను కొనసాగిస్తోంది. 2012లో హృతిక్ రోషన్ నటించిన అగ్నిపథ్ సినిమాలో కూడా ఆమె కనిపించింది. ప్రస్తుతం ఆమె లేటెస్ట్ ఫోటోలు సోషల్ మీడియాలో వైరల్ అవుతున్నాయి.