Raja Saab First Day Collection: ప్రభాస్–మారుతి కాంబోపై ఉన్న అంచనాలను మించి ‘రాజాసాబ్’ తొలి రోజే బాక్సాఫీస్ వద్ద దుమ్మురేపింది. హారర్ ఫాంటసీ నేపథ్యంతో రూపొందిన ఈ సినిమా విడుదలైన మొదటి రోజునే ప్రపంచవ్యాప్తంగా ప్రేక్షకుల నుంచి భారీ స్పందన అందుకుంది. ఫస్ట్ డే వరల్డ్వైడ్గా రూ.112 కోట్ల గ్రాస్ కలెక్షన్లు(Worldwide Gross) సాధించినట్లు చిత్ర యూనిట్ అధికారికంగా ప్రకటించింది.
Read Also: Prabhas: ‘రాజాసాబ్’ డిజిటల్ రైట్స్ దక్కించుకున్న జియో హాట్స్టార్
హారర్ ఫాంటసీ ఎలిమెంట్స్
ప్రత్యేకంగా తెలుగు రాష్ట్రాలతో పాటు నార్త్ ఇండియా, ఓవర్సీస్ మార్కెట్లలోనూ ఈ చిత్రానికి మంచి ఓపెనింగ్స్ వచ్చాయి. ప్రభాస్ మాస్ ఇమేజ్కు హారర్ ఫాంటసీ ఎలిమెంట్స్ తోడవడంతో ప్రేక్షకులు థియేటర్లకు పెద్ద సంఖ్యలో తరలివచ్చారు. అడ్వాన్స్ బుకింగ్స్ నుంచే సినిమా పై భారీ క్రేజ్ కనిపించగా, విడుదల తర్వాత అదే జోరు కొనసాగుతోంది.
హారర్ ఫాంటసీ జానర్లో ఇప్పటివరకు ఏ తెలుగు సినిమా నమోదు చేయని స్థాయిలో ఓపెనింగ్ సాధించడం ‘రాజాసాబ్’ ప్రత్యేకతగా మారింది. ఈ నేపథ్యంలో మూవీ టీమ్ సోషల్ మీడియా ద్వారా అభిమానులకు కృతజ్ఞతలు తెలుపుతూ, ఇదే జానర్లో హయ్యెస్ట్ ఓపెనింగ్గా సినిమా రికార్డు సృష్టించిందని వెల్లడించింది. మొత్తంగా తొలి రోజు కలెక్షన్లతోనే ‘రాజాసాబ్’ బాక్సాఫీస్ రేసులో బలమైన ఆరంభం సాధించిందని ట్రేడ్ వర్గాలు అభిప్రాయపడుతున్నాయి. రానున్న రోజుల్లో వీకెండ్ కలెక్షన్లు మరింత పెరిగే అవకాశాలు ఉన్నాయని అంచనా వేస్తున్నారు.
Read hindi news: hindi.vaartha.com
Epaper: epaper.vaartha.com
Read Also:
