ప్రముఖ నిర్మాత శిరీష్ Sirish తాజాగా మరోసారి గ్లోబల్ స్టార్ రామ్ చరణ్కు క్షమాపణలు (Apology to Ram Charan) చెప్పారు. ‘గేమ్ ఛేంజర్’ సినిమా గురించి తాను చేసిన వ్యాఖ్యలు తీవ్ర విమర్శలకు లోనవడంతో, మొదట లేఖ రూపంలో స్పందించిన ఆయన, ఇప్పుడు వీడియో ద్వారా మరోసారి అభ్యర్థించారు. రామ్ చరణ్ను కించపరచే ఉద్దేశమేం లేదని స్పష్టం చేశారు.శ్రీ వెంకటేశ్వర క్రియేషన్స్ పతాకంపై రూపొందుతున్న ‘గేమ్ ఛేంజర్’ సినిమాకు సంబంధించిన వ్యాఖ్యలతో శిరీష్ ఇబ్బందుల్లో పడ్డారు. సినిమా ఫలితంపై హీరో, దర్శకుడి నుంచి స్పందన రాలేదంటూ మాట్లాడిన ఆయన మాటలపై చరణ్ అభిమానులు తీవ్ర ఆగ్రహం వ్యక్తం చేశారు. దీనితో శిరీష్ వివరణ ఇవ్వక తప్పలేదు.
స్నేహబంధాన్ని కించపరచాలన్న ఉద్దేశం లేదు
వీడియోలో శిరీష్ మాట్లాడుతూ, చరణ్గారు నాకు ఎంతో ఇష్టమైన వ్యక్తి. ఆయనతో నా అనుబంధం ఎంతగానో గొప్పది. అప్పుడు నేను తొలిసారి ఇంటర్వ్యూకి వెళ్లాను. అనుకోకుండా మాట తప్పింది. అది కావాలని కాదు అని తెలిపారు.
మెగా ఫ్యామిలీతో ఉన్న అనుబంధం గుర్తు
వారు మెగా ఫ్యామిలీకి చెందినవారు. వరుణ్ తేజ్, సాయి తేజ్లతో కూడా మేము చిత్రాలు చేశాం. చిరంజీవి గారు నాకు దగ్గరి వ్యక్తి. ఆయన నా పట్ల ఎప్పుడూ మద్దతుగా ఉన్నారు. అలాంటి వారిని అవమానించే ఉద్దేశం నాకు లేదు అని స్పష్టంగా చెప్పారు.
చరణ్ పెద్ద మనసుతో మాకు నిలబడారు
సంక్రాంతికి మా సినిమా రిలీజ్ అవ్వకుండా ఉండాలంటే చరణ్ ఒక మాట చాలు. కానీ ఆయన అలా చేయలేదు. మాకోసం తాను ఆలోచించారు. అలాంటి మంచి మనిషిని ఎందుకు మనం కించపరచాలి? త్వరలో ఆయనతో మరో సినిమా చేయాలన్న ఆలోచనలో ఉన్నాం. అభిమానులు ఈ విషయాన్ని బాగా అర్థం చేసుకోవాలి అని శిరీష్ కోరారు.
Read Also : Vamshi : వల్లభనేని వంశీని అరెస్టు చేసి ఏం సాధించారు..? – పేర్ని నాని