సంక్రాంతి తరువాత సినిమాల జోరు క్రమంగా తగ్గుతోంది.కొత్త చిత్రాలు విడుదలయ్యే కొద్దీ,గతంలో వచ్చిన సినిమాల కలెక్షన్లు తగ్గిపోతున్నాయి.ఈ శుక్రవారం (జనవరి 31) కూడా కొత్త సినిమాలతో థియేటర్లు సందడి చేయనున్నాయి.అలాగే ఓటీటీల్లో కూడా ఆసక్తికరమైన సినిమాలు మరియు వెబ్ సిరీస్లు స్ట్రీమింగ్కి రానున్నాయి.ఈ వారం థియేటర్లో విడుదల కావాల్సిన పెద్ద సినిమాల్లో మదగజరాజా ఒకటి.విశాల్ నటించిన ఈ తమిళ చిత్రం సంక్రాంతి కానుకగా విడుదలై, బ్లాక్బస్టర్ విజయాన్ని అందుకుంది.ఇప్పుడు తెలుగులో కూడా ఈ సినిమా విడుదలకానుంది.ఆడియన్స్ ఈ సినిమాను ఎలా ఆదరిస్తాయో చూడాలి.అదేవిధంగా, అప్సర రాణి రాచరికం మరియు మహిష వంటి చిన్న సినిమాలు కూడా థియేటర్లలో కనిపించనున్నాయి.
ఇక ఓటీటీల విషయానికి వస్తే, ఈ వారం పెద్దగా తెలుగు సినిమాలు విడుదల కావడం లేదు.కానీ, కొన్ని ఆసక్తికరమైన డబ్బింగ్ సినిమాలు మరియు వెబ్ సిరీస్లు స్ట్రీమింగ్కి వస్తున్నాయి.వాటిలో ప్రధానంగా చెప్పుకోవాల్సింది మలయాళ క్రైమ్ థ్రిల్లర్ ఐడెంటిటీ.గత శుక్రవారమే తెలుగు వెర్షన్ థియేటర్లలో విడుదలైంది.ఇప్పుడు ఈ సినిమా ఓటీటీలో కూడా స్ట్రీమింగ్కి రానుంది. ఇందులో త్రిష, టొవినో థామస్,వినయ్ రాజ్ ప్రధాన పాత్రల్లో కనిపిస్తున్నారు.అదేవిధంగా, పోతగడ్డ అనే తెలుగు సినిమా కూడా ఓటీటీలో విడుదలకు సిద్ధంగా ఉంది.ఇందులో పృథ్వీ, విస్మయ శ్రీ, శత్రు, ఆడుకాలం నరేన్ ప్రధాన పాత్రల్లో నటించారు.ఈ రెండు సినిమాలు ప్రేక్షకుల ఆసక్తిని పెంచేలా ఉండనున్నాయి.ఇంకా, పలు భాషలలో విడుదలయ్యే సినిమాలు మరియు వెబ్ సిరీస్లు కూడా ఓటీటీల్లో సందడి చేయనున్నాయి.