బాలీవుడ్ నటి సెలీనా జైట్లీ(Celina Jaitley) తన భర్త పీటర్ హాగ్(Peter Hogg)పై తీవ్రమైన ఆరోపణలు చేస్తూ ముంబై కోర్టును ఆశ్రయించారు. ఆమె దాఖలు చేసిన పిటిషన్ ప్రకారం, తనపై శారీరక, మానసిక వేధింపులు జరిగాయని, ఈ కారణంగా తాను సుమారు ₹50 కోట్ల నష్టం చవిచూసినట్లు పేర్కొన్నారు. ఈ మొత్తాన్ని భర్త నుంచి తీసుకునేలా కోర్టును కోరారు.
ఇకపై పీటర్ హాగ్ విడాకులు ప్రారంభించే ప్రయత్నాలు చేస్తున్నాడని, తమ ముగ్గురు పిల్లలు విన్స్టన్, విరాజ్, ఆర్థర్ కస్టడీ తనకు ఇవ్వాలని కూడా సెలీనా విజ్ఞప్తి చేసినట్లు పిటిషన్ వివరాలు సూచిస్తున్నాయి. అదనంగా, భరణంగా ప్రతి నెల ₹10 లక్షలు ఇవ్వాల్సిందిగా ఆమె కోర్టును కోరారు.
Read also : Keerthy Suresh: మహానటి తర్వాత కీర్తి ఎదుర్కొన్న అసలైన స్ట్రగుల్
జ్యుడీషియల్ మెజిస్ట్రేట్ ముందు కేసు విచారణ
ఐదు రోజుల క్రితం ముంబైలో సెలీనా ఈ పిటిషన్ దాఖలు చేయగా, కోర్టు పీటర్ హాగ్(Peter Hogg)కు నోటీసులు జారీ చేసినట్లు సమాచారం. మంగళవారం జ్యుడీషియల్ మెజిస్ట్రేట్ ముందు కేసు విచారణకు రాగా, తదుపరి హియరింగ్ను డిసెంబర్ 12కి వాయిదా వేశారు. తన పిటిషన్లో సెలీనా చేసిన ఆరోపణల ప్రకారం, భర్త చేత శారీరక, లైంగిక, మానసిక వేధింపులు ఎదుర్కొన్న తర్వాత తాను ఇంటి నుంచి బయటకు వచ్చి భారతదేశానికి చేరుకున్నట్లు పేర్కొన్నారు.
సెలీనా జైట్లీ–పీటర్ హాగ్ దంపతులు సుమారు 15 ఏళ్ల క్రితం వివాహం చేసుకున్నారు. వీరికి ముగ్గురు పిల్లలు ఉన్నారు. మాజీ మిస్ ఇండియా అయిన సెలీనా, ‘నో ఎంట్రీ’, ‘అప్నా సప్నా మనీ మనీ’, ‘గోల్మాల్ రిటర్న్స్’, ‘థాంక్యూ’ వంటి పలు బాలీవుడ్ చిత్రాల్లో నటించారు. ఇంతకాలం సంతోషంగా కనిపించిన ఈ దంపతులు ఇప్పుడు విడాకుల దశకు రావడం అభిమానులను ఆందోళనకు గురిచేస్తోంది. కేసు వివరాలపై కోర్టు తుది విచారణ కోసం వేచి చూడాల్సి ఉంది.
Read hindi news: https://hindi.vaartha.com
Epaper : https://epaper.vaartha.com/
Read also :