గ్లోబల్ స్టార్ రామ్ చరణ్ హీరోగా, ‘ఉప్పెన’ దర్శకుడు బుచ్చిబాబు సానా దర్శకత్వంలో రూపొందుతున్న ప్రతిష్టాత్మక చిత్రం ‘పెద్ది’(Peddi Movie) పై భారీ అంచనాలు నెలకొన్నాయి. ఈ సినిమాకు సంబంధించిన తాజా అప్డేట్ను మేకర్స్ విడుదల చేశారు. ఇందులో కథానాయికగా నటిస్తున్న బాలీవుడ్ నటి జాన్వీ కపూర్ ఫస్ట్ లుక్ను, ఆమె పాత్ర పేరుతో కలిసి అధికారికంగా పరిచయం చేశారు.
Read Also: Baahubali The Epic collection : రీ-రిలీజ్తో రికార్డులు తిరగరాసిన బాహుబలి
అచ్చియమ్మ’గా ఆకట్టుకున్న జాన్వీ – అభిమానుల్లో పెరిగిన అంచనాలు
జాన్వీ కపూర్(Janhvi Kapoor) ఈ చిత్రంలో ‘అచ్చియమ్మ’ అనే పల్లెటూరి యువతి పాత్రలో కనిపించనుంది. విడుదల చేసిన పోస్టర్లో ఆమె డీ-గ్లామర్ లుక్లో ఆకట్టుకుంటూ, గ్రామీణ వాతావరణంలో సహజంగా మిళితమై కనిపిస్తోంది. మేకర్స్, “పెద్ది ప్రేమించే ఫైర్బ్రాండ్ ఆటిట్యూడ్ ఉన్న అమ్మాయి అచ్చియమ్మ” అంటూ ఆమె పాత్రను వివరిస్తూ పోస్టర్ను షేర్ చేశారు. ఈ లుక్తో అభిమానుల్లో సినిమాపై ఆసక్తి మరింత పెరిగింది.
‘పెద్ది’(Peddi Movie) పాన్-ఇండియా స్థాయిలో తెరకెక్కుతున్న భారీ యాక్షన్ డ్రామా. ఇందులో శివరాజ్కుమార్, జగపతి బాబు, దివ్యేందు శర్మ వంటి ప్రముఖ నటులు కీలక పాత్రల్లో కనిపించనున్నారు. సంగీతాన్ని ఏఆర్. రెహమాన్ అందిస్తుండగా, సినిమాటోగ్రఫీని రత్నవేలు నిర్వహిస్తున్నారు. ఈ చిత్రాన్ని వృద్ధి సినిమాస్, సుకుమార్ రైటింగ్స్, మైత్రీ మూవీ మేకర్స్ సంయుక్తంగా నిర్మిస్తున్నారు. గ్రామీణ నేపథ్యంతో సాగే ఈ పీరియాడిక్ యాక్షన్ డ్రామా 2026 మార్చి 27న ప్రపంచవ్యాప్తంగా విడుదల కానుంది.
Read hindi news: https://hindi.vaartha.com
Epaper : https://epaper.vaartha.com/
Read also :