గ్లోబల్ స్టార్ రామ్ చరణ్ ‘పెద్ది’ గ్లింప్స్ – సోషల్ మీడియాలో కలకలం
గ్లోబల్ స్టార్ రామ్ చరణ్ కొత్త సినిమా పెద్ది తొలి గ్లింప్స్ సోషల్ మీడియాలో దుమ్ము రేపుతోంది. విడుదలైన 24 గంటల్లోనే 31.15 మిలియన్ల వ్యూస్తో తెలుగు సినిమా గ్లింప్స్ హిస్టరీలో రికార్డు సృష్టించింది. ఇది యూట్యూబ్లో ప్రస్తుతం నంబర్ వన్గా ట్రెండింగ్లో ఉండటం గమనార్హం. ఈ గ్లింప్స్కు అందిన స్పందన చూసి మెగా అభిమానుల ఉత్సాహం వర్ణించలేనిది. చెర్రీ మార్క్ మాస్ మేనరిజం, మ్యూజిక్ బిట్, స్టైల్ ప్రతీ సీన్లో మెరుస్తోంది.
జూనియర్ ఎన్టీఆర్ ‘దేవర’ రికార్డును బద్దలుగొట్టిన ‘పెద్ధి’
ఇంతకుముందు ఈ రికార్డు యంగ్ టైగర్ జూనియర్ ఎన్టీఆర్ నటించిన దేవర గ్లింప్స్ పేరిట ఉండగా, అది 24 గంటల్లో 26.17 మిలియన్ల వ్యూస్ సాధించింది. కానీ పెద్ది మూవీ గ్లింప్స్ 18 గంటలలోనే ఈ రికార్డును చెరిపేసి కొత్త చరిత్ర రాశింది. ఇది చెర్రీ అభిమానులకు మరింత గర్వకారణంగా మారింది. లైక్స్ పరంగా చూస్తే దేవరకి 7 లక్షలకు పైగా లైక్స్ వచ్చాయి. అదే పెద్దికి 24 గంటల్లో 4 లక్షలకుపైగా లైక్స్ మాత్రమే రాగా, ఇది వ్యూస్ పరంగా జరిగిన ఘనవిజయాన్ని ఏ మాత్రం తగ్గించలేదు. దీనితో తెలుగు చిత్రసీమలో సరికొత్త పోటీ మొదలైనట్టైంది.
మెగా ఫ్యాన్స్ ఉత్సాహం – “ఔట్ ఆఫ్ ది పార్క్” అంటున్న కామెంట్స్
గ్లింప్స్ విడుదలైన వెంటనే సోషల్ మీడియా వేదికగా మెగా అభిమానులు తమ రెస్పాన్స్తో మళ్లీ ఒకసారి చెర్రీకి తమ అండగా నిలిచారు. “పెద్ది షాట్ ఔట్ ఆఫ్ ది పార్క్!”, “చెర్రీ మాస్ అంటే ఇదే!”, “అదిరిపోయిన మ్యూజిక్ బీట్!” అంటూ కామెంట్ల వర్షం కురిపిస్తున్నారు. గ్లింప్స్ చివర్లో చెర్రీ బౌండరీ షాట్ సీన్ ప్రేక్షకులను ఉర్రూతలూగిస్తోంది. చెర్రీ మాస్ లుక్, స్టైల్, ప్రెజెన్స్ చూస్తే సినిమాపై అంచనాలు అమాంతంగా పెరిగిపోతున్నాయి.
బుచ్చిబాబు దర్సకత్వంలో చెర్రీ – భారీ మల్టీస్టారర్ కాన్ఫిగరేషన్
ఈ సినిమాకు దర్శకత్వం వహిస్తున్న బుచ్చిబాబు సానా ఇది రెండవ సినిమా. తొలి చిత్రమైన ఉప్పెన ఎంత పెద్ద విజయాన్ని అందించిందో తెలిసిందే. ఈసారి అతను రామ్ చరణ్తో కలసి మరింత పవర్ఫుల్ ప్రెజెంటేషన్ ఇవ్వబోతున్నాడు. జాన్వీ కపూర్ హీరోయిన్గా నటిస్తున్న ఈ చిత్రం బాలీవుడ్, టాలీవుడ్ మల్టీస్టారర్గా మారింది. శివరాజ్ కుమార్, జగపతి బాబు, బాలీవుడ్ నటుడు దివ్యేందు లాంటి నటులు ఈ సినిమాలో కీలక పాత్రల్లో కనిపించనున్నారు. ఈ విధంగా సినిమాకు పాన్ ఇండియా స్థాయిలో మద్దతు లభిస్తోంది. మైత్రి మూవీ మేకర్స్, వృద్ధి సినిమాస్, సుకుమార్ రైటింగ్స్ సంస్థలు సంయుక్తంగా ఈ భారీ ప్రాజెక్ట్ను నిర్మిస్తున్నాయి.
విడుదల తేదీ – చెర్రీ బర్త్డే స్పెషల్
‘పెద్ది’ సినిమా వచ్చే ఏడాది మార్చి 27న విడుదల కానుంది. అదే రోజు రామ్ చరణ్ పుట్టినరోజు కావడం విశేషం. ఆ రోజున విడుదల చేయడం వలన అభిమానుల్లో ఉత్సాహం రెట్టింపు కానుంది. గ్లింప్స్కే ఇలా స్పందన వస్తే, టీజర్, ట్రైలర్, సాంగ్స్ ఎలా ఉంటాయో అనే ఆసక్తి ఇప్పటికే క్రియేట్ అయింది. సినిమా రిలీజ్కి ఇంకో ఏటుండగా ఈ స్థాయి హైప్ రావడం సినిమా సక్సెస్కి సంకేతంగా నిలుస్తోంది.
సంగీతం, స్టైల్, స్టోరీ – అన్ని కోణాల్లో హైప్
గ్లింప్స్లో వినిపించిన మ్యూజిక్ బిట్ ఇప్పటికే రీల్స్లో ట్రెండ్ అవుతోంది. సౌండ్ డిజైన్, మాస్ మ్యూజిక్ టెంప్లేట్, పాన్-ఇండియా స్కేల్కు తగ్గట్టుగా ఉంది. చెర్రీ మాస్ లుక్, జాన్వీ గ్లింప్స్, బుచ్చిబాబు విజన్ – అన్నింటికీ ప్రేక్షకుల్లో పాజిటివ్ టాక్ వచ్చింది. వీటన్నిటి కలయికే పెద్ది సినిమాని ఓ సెన్సేషన్గా మార్చబోతున్నది.
టాలీవుడ్లో రాబోయే పవర్ఫుల్ సినిమా
ఇప్పటికే తెలుగు సినిమా పరిశ్రమలో పాన్ ఇండియా సినిమాల హవా కొనసాగుతోంది. ఈ నేపథ్యంలో పెద్ది కూడా అదే స్థాయిలో రూపొందుతోంది. మల్టీస్టారర్, మాస్ ఎలివేషన్, బలమైన కథ – ఇవన్నీ కలిపి ఇది బిగ్ బ్లాస్టర్ అవుతుందని సినీ వర్గాలు అంచనా వేస్తున్నాయి.
READ ALSO: Trailer: ‘గుడ్ బ్యాడ్ అగ్లీ’ తెలుగు ట్రైలర్ విడుదల