భారతీయ సినిమాకు గర్వకారణం..
భారతీయ సినిమా ప్రస్థానానికి మరో గొప్ప గుర్తింపుగా ‘హోమ్ బౌండ్’ ఆస్కార్(Oscars 2026) ప్రయాణంలో ముందడుగు వేసింది. 98వ అకాడమీ అవార్డులలో ఇంటర్నేషనల్ ఫీచర్ ఫిల్మ్ (International feature film) విభాగంలో ఇప్పటికే టాప్–15 చిత్రాల్లో స్థానం దక్కించుకున్న ఈ చిత్రం, తాజాగా తదుపరి దశ ఓటింగ్కు అర్హత సాధించడం విశేషం. దీంతో ఆస్కార్ నామినేషన్ దిశగా ఈ మూవీ ఆశలు మరింత బలపడ్డాయి. జనవరి 22న అకాడమీ అవార్డుల నామినేషన్లను అధికారికంగా ప్రకటించనున్నారు.
Read also: Kalyani Priyadarshan: రణ్వీర్ సింగ్ తో జోడి కట్టనున్న కళ్యాణి?
సినిమా విడుదలైనప్పటి నుంచి కథ, నటన, భావోద్వేగాలపై ప్రేక్షకులు, విమర్శకుల ప్రశంసలు కురిపిస్తున్నారు. ముఖ్యంగా సామాన్య యువత ఆశలు, కలలు, వాటిని సాధించే క్రమంలో ఎదురయ్యే అడ్డంకులను సహజమైన కథనంతో చూపించిందనే అభిప్రాయం వ్యక్తమవుతోంది. అంతర్జాతీయ వేదికలపై కూడా ఈ సినిమా భారతీయ సామాజిక వాస్తవాలను సున్నితంగా ఆవిష్కరించిందని ప్రశంసలు అందుకుంటోంది.
ఈ చిత్రంలో జాన్వీ కపూర్(Janhvi Kapoor), ఇషాన్ ఖట్టర్, విశాల్ జెత్వా ప్రధాన పాత్రల్లో నటించి తమ నటనతో ఆకట్టుకున్నారు. పోలీస్ అవ్వాలని లక్ష్యంగా పెట్టుకున్న ఇద్దరు సన్నిహిత స్నేహితులు ఆ ప్రయాణంలో ఎదుర్కొనే వ్యక్తిగత, సామాజిక సవాళ్లే కథకు కేంద్రబిందువుగా నిలుస్తాయి. భావోద్వేగాలు, వాస్తవికత, ఆశయాల మేళవింపుతో తెరకెక్కిన ఈ చిత్రం ప్రేక్షకులను ఆలోచింపజేసే ప్రయత్నం చేసింది. ఆస్కార్ రేస్లో ‘హోమ్ బౌండ్’ అడుగుపెట్టడం భారతీయ సినిమాకు మరో అంతర్జాతీయ గుర్తింపుగా సినీ వర్గాలు అభివర్ణిస్తున్నాయి. నామినేషన్ జాబితాలో చోటు దక్కితే, భారతీయ చిత్రసీమకు ఇది మరింత గర్వకారణంగా నిలుస్తుందని అభిమానులు ఆశాభావం వ్యక్తం చేస్తున్నారు.
Read hindi news:hindi.vaartha.com
Epaper: epaper.vaartha.com
Read also: