పవర్ స్టార్ పవన్ కళ్యాణ్ అభిమానులు ఎప్పటినుంచో ఎదురుచూస్తున్న సినిమా ఓజీ (OG Movie) . స్టైలిష్ డైరెక్టర్ సుజిత్ తెరకెక్కించిన ఈ భారీ యాక్షన్ ఎంటర్టైనర్ దసరా కానుకగా సెప్టెంబర్ 25న ప్రేక్షకుల ముందుకు రాబోతోంది. ఈ చిత్రంపై ఇప్పటికే అంచనాలు ఆకాశాన్ని తాకుతున్నాయి. తాజాగా ఈ సినిమా టికెట్ రేట్ల పెంపునకు ఏపీ ప్రభుత్వం (AP Government) అధికారికంగా అనుమతి ఇచ్చింది.బుధవారం (సెప్టెంబర్ 17) రాష్ట్ర ప్రభుత్వం అధికారిక ఉత్తర్వులు జారీ చేసింది. నిర్మాత DVV దానయ్య విజ్ఞప్తి మేరకు ఈ నిర్ణయం తీసుకున్నట్లు ఉత్తర్వుల్లో పేర్కొన్నారు. దీంతో పవన్ కళ్యాణ్ అభిమానుల్లో కొత్త ఉత్సాహం నెలకొంది.
బెనిఫిట్ షో ధరలు
ప్రత్యేక అనుమతుల ప్రకారం, సెప్టెంబర్ 25 అర్ధరాత్రి 1 గంటకు బెనిఫిట్ షో నిర్వహించనున్నారు. ఈ షోకు టికెట్ ధర రూ.1000గా నిర్ణయించారు. ఇందులో జీఎస్టీ కూడా కలిపి ఉంటుంది. పవన్ సినిమాలపై ఉన్న క్రేజ్ దృష్ట్యా ఈ ధరను అభిమానులు సులభంగా అంగీకరిస్తారని భావిస్తున్నారు.సెప్టెంబర్ 25 నుంచి అక్టోబర్ 4 వరకు సినిమా థియేటర్లలో టికెట్ ధరలు పెంచుకునే అవకాశం కల్పించారు. సింగిల్ స్క్రీన్లలో రూ.125, మల్టీప్లెక్స్లలో రూ.150 వరకు టికెట్ ధర ఉండనుంది. ఇక్కడ కూడా జీఎస్టీ కలిపి ఉంటుందని ఉత్తర్వుల్లో స్పష్టంగా పేర్కొన్నారు.
రాష్ట్ర వ్యాప్తంగా అమలు
ఈ నిర్ణయం కేవలం కొన్ని థియేటర్లకే కాకుండా రాష్ట్ర వ్యాప్తంగా అన్ని సినిమా హాళ్లకు వర్తించనుంది. దీంతో ఏపీ అంతటా అభిమానులు ఒకే రకమైన ధరలతో సినిమాను చూడగలరు.ఇప్పటికే ట్రైలర్, టీజర్తో భారీ అంచనాలు సృష్టించిన ఓజీ టికెట్ రేట్ల పెంపు వార్తతో మరింత హైప్ అందుకుంది. సోషల్ మీడియాలో అభిమానులు టికెట్ బుకింగ్స్ కోసం ఆత్రుతగా ఎదురుచూస్తున్నారు. బెనిఫిట్ షోల ధరలు ఎక్కువైనా, పవన్ పవర్ చూసి థియేటర్ల ముందు క్యూలు కచ్చితంగా కనపడతాయన్న నమ్మకం ఫ్యాన్స్లో కనిపిస్తోంది.
దసరా కానుకగా పవర్ఫుల్ రిలీజ్
సాధారణంగా దసరా సీజన్లో పెద్ద సినిమాలు విడుదల కావడం సాంప్రదాయం. అయితే పవన్ కళ్యాణ్ ఓజీ మాత్రం ప్రత్యేక ఆకర్షణగా మారింది. టికెట్ రేట్ల పెంపు అనుమతితో కలసి ఈ చిత్రం బాక్సాఫీస్ వద్ద రికార్డులు క్రియేట్ చేసే అవకాశాలు స్పష్టంగా కనిపిస్తున్నాయి.
Read Also :
