‘వార్ 2’ సినిమా ప్రమోషన్లలో స్టార్ హీరోలు హృతిక్ రోషన్, జూనియర్ ఎన్టీఆర్ (NTR) చూపిస్తున్న క్రియేటివిటీకి సోషల్ మీడియాలో ఫ్యాన్స్ ఫిదా అవుతున్నారు. పాపులర్ ఇంటర్వ్యూలు, ప్రమోషన్ ఈవెంట్లకు భిన్నంగా వీరిద్దరూ వినూత్నంగా బిల్బోర్డు సవాళ్లతో ప్రచారం సాగిస్తున్నారు.
ఎన్టీఆర్ స్టెప్పింగ్ మొదటి సవాల్
యంగ్ టైగర్ ఎన్టీఆర్ (NTR) తన పాత్ర స్ఫూర్తిని ప్రతిబింబించేలా ఓ భారీ బిల్బోర్డును హృతిక్ ఇంటికి పంపించారు. ఆ బోర్డుపై “ఘుంగ్రూ టూట్ జాయేంగే పర్ హమ్సే యే వార్ జీత్ నహీ పావోగే” అనేవాక్యం చూపించి, హృతిక్కు సరదా గానూ, సవాలుగా గానూ సందేశం పంపారు.
హృతిక్ కౌంటర్: నాటు నాటు కు ఘుంగ్రూ రిప్లై
ఎన్టీఆర్ సవాలుకు హృతిక్ రోషన్ (Hrithik Roshan) కూడా దీటుగా స్పందించారు. తారక్ ఇంటికి మరో క్రియేటివ్ బిల్బోర్డును పంపిస్తూ, “మీరు ‘నాటు నాటు’ ఎంత చేసినా, ఈ వార్ గెలిచేది మాత్రం నేనే” అనే డైలాగుతో కౌంటర్ ఇచ్చారు. దీనిపై ఎన్టీఆర్ స్పందిస్తూ, “నైస్ రిటర్న్ గిఫ్ట్ హృతిక్ సర్” (Nice return gift Hrithik sir)అని ట్వీట్ చేశారు.
హృతిక్ పంపిన ఈ గిఫ్ట్పై ఎన్టీఆర్ స్పందిస్తూ.. “నైస్ రిటర్న్ గిఫ్ట్, హృతిక్ సర్” అంటూ సరదాగా వ్యాఖ్యానించారు. ‘ఘుంగ్రూ’ అనేది ‘వార్’ చిత్రంలో హిట్ సాంగ్ కాగా ‘నాటు నాటు’ పాట ‘ఆర్ఆర్ఆర్’ చిత్రంలోని ఆస్కార్ విన్నింగ్ సాంగ్ అని తెలిసిందే. దాంతో హీరోలిద్దరూ ఒకరి హిట్ సాంగ్ ను మరొకరు ప్రస్తావిస్తూ ఇలా సందడి చేశారు.
భారీ అంచనాల మధ్య రాబోతున్న వార్ 2
యశ్రాజ్ ఫిలిమ్స్ స్పై యూనివర్స్లో భాగంగా వస్తున్న ‘వార్ 2’ చిత్రానికి అయాన్ ముఖర్జీ దర్శకత్వం వహిస్తున్నారు. ఈ సినిమాతో ఎన్టీఆర్ బాలీవుడ్లోకి అధికారికంగా అడుగుపెడుతున్నారు. హృతిక్, ఎన్టీఆర్ ల కాంబినేషన్, భారీ యాక్షన్ సన్నివేశాలు ఈ సినిమాపై అంచనాలను మరింత పెంచుతున్నాయి. తెలుగు, హిందీ, తమిళ భాషల్లో తెరకెక్కిన ఈ చిత్రం స్వాతంత్ర్య దినోత్సవం కానుకగా ఆగస్టు 14న ప్రపంచవ్యాప్తంగా గ్రాండ్ రిలీజ్కు సిద్ధమవుతోంది. ఈ సరదా ప్రమోషన్లు సినిమాపై ఆసక్తిని రెట్టింపు చేస్తున్నాయి.
Read hindi news: hindi.vaartha.com
Read also: