హీరో నితిన్ కోసం హిట్ సినిమానే ఇప్పుడు అత్యవసరం.గత కొంతకాలంగా కమర్షియల్ సక్సెస్ ను దూరమవుతున్న సంగతి అందరికీ తెలిసిందే. అందుకే తన తదుపరి చిత్రం “తమ్ముడు”పై భారీగా నమ్మకముంచాడు.ఈ సినిమా ఎట్టకేలకు విడుదలకు సిద్ధమవుతోంది.“తమ్ముడు” విడుదల తేదీని చిత్రబృందం ఆదివారం అధికారికంగా ప్రకటించింది.శ్రీరామ్ వేణు దర్శకత్వం వహిస్తున్న ఈ చిత్రాన్ని దిల్ రాజు నిర్మిస్తున్నారు.ఈ మూవీ జూలై 4న థియేటర్లకు రానుంది.రిలీజ్ డేట్ ప్రకటన వీడియో ఇప్పుడు నెట్టింట చక్కర్లు కొడుతోంది.ఇటీవల దర్శకులు తమ సినిమాల ప్రమోషన్ను ప్రత్యేకంగా డిజైన్ చేస్తున్నారు.“తమ్ముడు” కూడా అదే రూట్ ఫాలో అయింది.
రిలీజ్ డేట్ ప్రకటనను ఓ ఫన్నీ వీడియో రూపంలో రూపొందించారు.ఇందులో సినిమాలో నటించిన యాక్టర్లు ఒక్కొక్కరుగా డైరెక్టర్ దగ్గరకు వస్తారు.వర్ష బొల్లమ్మ, స్వసిక విజయన్, సప్తమి గౌడ, లయ, బేబి శ్రీరామ్ దీత్య – ఒక్కొక్కరూ డైరెక్టర్ శ్రీరామ్ వేణును కలిసి, బర్త్ డే విషెస్ చెప్పినట్టుగా కనిపిస్తారు.కానీ వెంటనే వాళ్లు సార్.సినిమా ఎప్పుడు రిలీజ్ అవుతుంది? అని ప్రశ్నల వర్షం కురిపిస్తారు.వర్ష బొల్లమ్మ –నేను నా ప్రమోషన్ నానే చేసుకుంటున్నా సార్, మీమ్స్ కూడా నానే వేస్తున్నా, డేట్ చెప్పండి! అని చిలిపిగా అడుగుతుంది.లయ అయితే – నా పోస్టర్ ఎక్కడ సార్? అసలు నేను ఈ సినిమాలో ఉన్నానా లేదా?
అని గగ్గోలు పెడుతుంది.అంతే కాదు, చిన్నారిగా కనిపించే బేబి శ్రీరామ్ దీత్య మాట్లాడుతూ –మూవీ స్టార్ట్ అయినప్పుడు నేను 3వ తరగతిలో ఉన్నా సార్.ఇప్పుడేమో 5వ తరగతిలో చదువుతున్నా! రిలీజ్ డేట్ చెప్పండి! అంటుంది.ఈ ప్రశ్నలతో డైరెక్టర్ శ్రీరామ్ వేణు నోటి మాట బయట పడదు. ఇంకోసారి చెప్తా అంటూ అందరినీ పంపేస్తాడు.అయితే చివర్లో, సడెన్ ట్విస్ట్! వీడియో చివర్లో దిల్ రాజు, శిరీష్ కలిసి శ్రీరామ్ వేణుకు బర్త్డే కేక్ కట్ చేయిస్తారు.వెంటనే ఆనందంగా జూలై 4న ‘తమ్ముడు’ రిలీజ్ అని అధికారికంగా వెల్లడిస్తారు. దీంతో ఫ్యాన్స్ ఫుల్ ఖుషీగా ఉన్నారు.ఇప్పటివరకు ఈ సినిమా షూటింగ్ రెండు సంవత్సరాలు సాగింది.అన్ని అంచనాలను తలకిందులు చేస్తూ, “తమ్ముడు” నితిన్ కెరీర్లో మరో మైలురాయిగా నిలుస్తుందా? అన్నది ఆసక్తికర విషయం.ట్రైలర్, సాంగ్స్ మీదే ఈ సినిమాపై హైప్ ఇకపై పెరగనుంది.
Read Also : Re-release : జగదేకవీరుడు అతిలోకసుందరి రూ.6.50 టికెట్ ను రూ.210కి అమ్మారట!